Նաիր Տիկնիզյանը թիմից հեռացված չէ և կմեկնի Սամարա՝ «Քրիլյա Սովետովի» դեմ խաղին — Ֆիլատով
«Լոկոմոտիվի» պաշտպան Նաիր Տիկնիզյանի սկանդալային հարցազրույցից հետո ԶԼՄ-ներում լուրեր տարածվեցին, թե նա հեռացվել է հիմնական կազմից և բաց կթողնի մրցաշրջանի վերջին հանդիպումը «Քրիլյա Սովետովի» դեմ։ Սակայն ակումբի տնօրենների խորհրդի անդամ Վալերի Ֆիլատովը հերքել է այս տեղեկությունները։
Լրագրողների հետ զրույցում Ֆիլատովը նշել է, որ Տիկնիզյանը թիմի հետ կմեկնի Սամարա և շարունակում է մարզվել հիմնական կազմի հետ։
«Տղային կուտակվել էր, արտահայտեց իր կարծիքը։ Ի՞նչն է այդտեղ վատը։ Նա նեղված է, որ խաղաժամանակ չի ստանում, կարծում է՝ պետք է խաղա։ Պետք չէ սա ողբերգություն դարձնել։ Ես դրան միանգամայն նորմալ եմ վերաբերվում։ Նման իրավիճակում դա կարող է որոշել նրա կարիերան, մարզիկի կյանքը։ Անհրաժեշտ չէ սա բացասական ընկալել։ Իմ ունեցած տվյալներով նա չի հեռացվել թիմից և կմեկնի Սամարա», — ընդգծել է Ֆիլատովը։
Ավելի վաղ Տիկնիզյանը «ԲԿՄԱ»-ի հետ հանդիպումից հետո դժգոհել էր խաղաժամանակի բացակայությունից և հայտնել էր, որ եթե իրավիճակը չփոխվի, պատրաստվում է ամռանը փոխել ակումբը։
Քննարկեք նորությունները!
Անցնել մեկնաբանություններին ↓
Comments
0