Հայաստանի և Կիպրոսի երիտասարդական հավաքականները ոչ-ոքի խաղացին առաջին բարեկամական հանդիպմանը

Հունիսի 3-ին Երևանում կայացավ Հայաստանի և Կիպրոսի երիտասարդական հավաքականների առաջին բարեկամական հանդիպումը, որը ավարտվեց ոչ-ոքի՝ 1:1 հաշվով։

Հայաստանի հավաքականը բացեց հաշիվը խաղի 84-րդ րոպեին. գոլի հեղինակ դարձավ Ավստրիայի «Սանկտ-Պյոլտեն» ակումբի հարձակվող Երվանդ Սուքիասյանը՝ Հայաստանի ազգային հավաքականի նախկին ֆուտբոլիստ Երվանդ Սուքիասյանի որդին։ Գոլային փոխանցումը կատարեց Գերմանիայի «Մյունխեն 1860» ակումբի ֆուտբոլիստ Մայք Գևորգյանը։

Նշենք, որ Կիպրոսի հավաքականը ամբողջ երկրորդ խաղակեսն անցկացրեց թվային պակասով՝ իրենց ավագ Սիլիանոս Վրոնտասի հեռացումից հետո։ Հայաստանի հավաքականը ուժեղացրեց ճնշումն ու վերահսկում էր խաղը, սակայն վերջին րոպեներին հաղթանակը ձեռքից բաց թողեց․ 93-րդ րոպեին հյուրերը հավասարեցրին հաշիվը տուգանայինի խաղարկումից հետո։

ԳՈԼԵՐԻ ՏԵՍԱՆՅՈՒԹԸ․

Հայաստանի Մ21 հավաքականի կազմը (քառակուսի 4-2-3-1):

Գոռ Մաթինյան – Մարկ Գևորգյան (84' Սուրեն Ծառուկյան), Պետիկ Մանուկյան, Անդրանիկ Հակոբյան (Արմեն Սարգսյան), Պողոս Կրմզյան (84' Ալեշա Խաչատրյան) – Կառլեն Հովհաննիսյան (73' Անդրե Փիլիպոսյան), Համլետ Սարգսյան (73' Միշել Այվազյան) – Լևոն Բաշոյան (73' Մայք Գևորգյան), Միսակ Հակոբյան (կ), Վյաչեսլավ Աֆյան (84' Արթուր Ասկարյան) – Էդիկ Վարդանյան (73' Երվանդ Սուքիասյան)։

Այս խաղում Հայաստանի երիտասարդական հավաքականում իրենց նորամուտը նշեցին եղբայրներ Մայք և Մարկ Գևորգյանները, ինչպես նաև Անդրանիկ Հակոբյանը և Անդրե Փիլիպոսյանը։

Երկրորդ հանդիպումը տեղի կունենա հունիսի 6-ին՝ նույնպես Երևանում։