Հայաստանի Մ-21 հավաքականը զիջեց Շվեդիային ԵՎՐՈ-2027 (U21) ընտրական փուլի ընթացքում
- Հեղինակ: Vahe Hakobyan
- Sportaran
Հայաստանի երիտասարդական հավաքականը նվազագույն հաշվով պարտվեց Շվեդիայի թիմին Եվրոպայի 2027 թվականի առաջնության (U21) ընտրական փուլի 6-րդ տուրի խաղում։ Հանդիպումը կայացավ նոյեմբերի 18-ին Երևանում և ավարտվեց 0:1 հաշվով։
Միակ գոլը խփվեց 23-րդ րոպեին․ հեղինակն էր Մոմոդու Սոնկոն։
Արման Գյուլբուդաղյանցի սաները մրցակցի դարպասին ուղղեցին 8 հարված, մինչդեռ շվեդական թիմը պատասխանեց 17 հարվածով։
Հաջորդ խաղը Հայաստանի Մ-21 հավաքականը կանցկացնի 2026 թվականի մարտի 27-ին՝ արտագնա հանդիպմամբ Լեհաստանի դեմ։
6 տուրից հետո հայկական թիմը դեռ միավոր չունի և գտնվում է Ե խմբի վերջին հորիզոնականում։ Շվեդիան ունի 9 միավոր և չորրորդ տեղում է։ Առաջատարն է Լեհաստանը (15 միավոր), երկրորդ տեղում՝ Իտալիան (12 միավոր)։
Հայաստանի Մ-21 հավաքականի կազմը
Գոր Մատինյան – Սուրեն Ծառուկյան, Մարկ Ավետիսյան, Պետիկ Մանուկյան, Մհեր Թարլոյան (60՝ Պողոս Կրմզյան) – Կարլեն Հովհաննիսյան (75՝ Վադիմ Հարությունյան), Համլետ Սարգսյան (60՝ Համլետ Սարգսյան) – Նարեկ Հովհաննիսյան, Դավիթ Հակոբյան, Միսակ Հակոբյան (64՝ Վյաչեսլավ Աֆյան) – Ֆինն Գերագուսյան (Արթուր Գարիբյան):
Քննարկեք նորությունները!
Անցնել մեկնաբանություններին ↓
Comments
0