Հայաստանի երիտասարդական հավաքականը (U21) զիջեց Հյուսիսային Մակեդոնիային (ՎԻԴԵՈ)
- Հեղինակ: Vahe Hakobyan
- Sportaran
Հայաստանի երիտասարդական հավաքականը (U21) պարտություն կրեց Եվրոպայի 2027 թվականի առաջնության (U21) ընտրական փուլի երրորդ տուրի խաղում՝ 1:2 հաշվով զիջելով Հյուսիսային Մակեդոնիային։ Հանդիպումը կայացավ հոկտեմբերի 10-ին, Մակեդոնիայի Բիտոլա քաղաքում։
Հայկական թիմը հաջող սկսեց հանդիպումը․ 38-րդ րոպեին Նարեկ Հովհաննիսյանը Դավիթ Հակոբյանի փոխանցումից հետո բացեց հաշիվը։ Սակայն ընդմիջումից հետո տանտերերը խաղը վերցրին իրենց ձեռքը։ 54-րդ րոպեին Դիմիտար Տրայկովը հավասարեցրեց հաշիվը՝ անկյունայինի խաղարկումից հետո կատարած հարվածով, իսկ 83-րդ րոպեին նույն Տրայկովը օգտվեց դարպասապահ Դավիթ Դավթյանի անհաջող գործողությունից և իր թիմին հաղթանակ պարգևեց։
Այսպիսով, Հայաստանի հավաքականը չկարողացավ պահպանել առավելությունը և վերջում զիջեց մրցակցին։
Հաջորդ հանդիպումը թիմը կանցկացնի հոկտեմբերի 14-ին Իտալիայի դեմ։ Խաղը կկայանա Կրեմոնայում։ Այսօր էլ իտալացիները մրցում են Շվեդիայի հետ։
ՎԻԴԵՈ․
Քննարկեք նորությունները!
Անցնել մեկնաբանություններին ↓
Comments
0