Հայաստանի երիտասարդական հավաքականը ժամանել է Շվեդիա
- Հեղինակ: Vahe Hakobyan
- Sportaran
Հայաստանի մինչև 21 տարեկանների հավաքականը Արմեն Գյուլբուդաղյանցի ղեկավարությամբ ժամանել է Շվեդիայի Ֆալկենբերգ քաղաք, որտեղ վաղը՝ սեպտեմբերի 5-ին, կանցկացնի ԵՎՐՈ-2027-ի (U21) ընտրական առաջին հանդիպումը Շվեդիայի հավաքականի դեմ։
Մինչ այդ թիմը մարզվում էր Երևանում։ Հավաքականի առաջատարներ Միսակ Հակոբյանն ու Արաիկ Էլոյանը կարևորեցին առաջիկա հանդիպման նշանակությունը, նշեցին մրցակցի ուժեղ կողմերը և հավելեցին, որ Հայաստանի երիտասարդական հավաքականը վաղուց պաշտոնական խաղում հաղթանակ չի տոնել, իսկ հիմա ֆուտբոլիստները ցանկանում են փոխել այդ վիճակագրությունը։
Հիշեցնենք, որ հաջորդ հանդիպումը թիմը կանցկացնի սեպտեմբերի 9-ին՝ Լեհաստանի հավաքականի դեմ։
Հայաստանի մինչև 21 տարեկանների հավաքականը հանդես է գալիս E խմբում՝ Շվեդիայի, Իտալիայի, Հյուսիսային Մակեդոնիայի, Չեռնոգորիայի և Լեհաստանի հետ միասին։
Քննարկեք նորությունները!
Անցնել մեկնաբանություններին ↓
Comments
0