Միլանի դերբի։ «Միլան»-ի և «Ինտեր»-ի մեկնարկային կազմերը

Այսօր՝ փետրվարի 2-ին, տեղի կունենա այս մրցաշրջանի արդեն երրորդ միլանյան դերբին։ Նախորդ երկու հանդիպումներում հաղթել է «Միլան»-ը՝ մեկը՝ առաջնությունում, մյուսը՝ Սուպերգավաթում։

Այնուամենայնիվ, այժմ Սերժիո Կոնսեյսաուի թիմը բարդ իրավիճակում է։ Նախորդ օրը ակումբը լքեցին հիմնական խաղացողներ Ալվարո Մորատան և Դավիդե Կալաբրիան։ Վերջինիս փոխարեն այսօր «ռոսսոներիների» կազմում նորամուտն է նշելու Քայլ Ուոքերը, իսկ Մորատայի տեղը մեկնարկային կազմում կզբաղեցնի Թեմմի Աբրահամը, քանի որ Սանտիագո Խիմենեսը նոր է ժամանել Միլան և դեռ պատրաստ չէ խաղալու։ Բացի այդ, Մատեո Գաբբիան վնասվածք ունի, իսկ Յուսուֆ Ֆոֆանան՝ որակազրկված է։

«Ինտերի» կազմում փոփոխություններ չկան, և դերբիին հասցրել է վերականգնվել Հաքան Չալհանօղլուն։ Հենրիխ Մխիթարյանն էլ կմեկնարկի առաջին րոպեներից։

Մեկնարկային կազմերը՝

«Միլան»՝ Մենյոն – Ուոքեր, Տոմորի, Պավլովիչ, Էրնանդես – Մուսա, Բենասեր, Ռեյնդերս – Լեաու, Պուլիշիչ, Աբրահամ։

«Ինտեր»՝ Զոմմեր – Պավար, Դե Վրեյ, Բաստոնի – Դյումֆրիս, Դիմարկո – Բարելլա, Չալհանօղլու, Մխիթարյան – Մարտինես, Տյուրամ։

Հանդիպումը կմեկնարկի Մոսկվայի ժամանակով 20:00-ին և Երևանի ժամանակով 21:00-ին։