Մարտուն Մեժլումյանը տպավորիչ հաղթանակ է տարել UAE Warriors 60 մրցաշարում (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
Հայ մենամարտիկ Մարտուն Մեժլումյանը (14–3) տպավորիչ հաղթանակ տարավ Աբու Դաբիում անցկացված UAE Warriors 60 մրցաշարում։ Նա երրորդ ռաունդում խեղդող հնարքով պարտության մատնեց բրազիլացի Իտալո Գոմեսին (13–6)։
Մենամարտը հեշտ չէր Մեժլումյանի համար․ Գոմեսը, ունենալով ուժեղ բազա բրազիլական ջիու-ջիտսուում, մի քանի անգամ գցեց հայ մենամարտիկին գետին։ Սակայն Մարտունը ցուցաբերեց տոկունություն և սառնասրտություն՝ սպասելով իր պահին։ Երրորդ ռաունդի սկզբում նա վերցրեց նախաձեռնությունը և ավարտեց մենամարտը խեղդող հնարքով։
ՏԵՍԱՆՅՈՒԹ․
Մենամարտը կայացավ մինչև 75 կգ սահմանային քաշային կարգում, քանի որ երկու մարզիկներն էլ ընդունել էին մարտը կարճազգուշացմամբ։
Այս մենամարտով Մեժլումյանը վերադարձավ գրեթե երեք տարվա դադարից հետո։ Աբու Դաբիի այս հաղթանակը նրա համար արդեն հինգերորդն էր UAE Warriors լիգայում, և այժմ նա գլխավոր հավակնորդներից է չեմպիոնական գոտու համար։
Հաղթանակից անմիջապես հետո Մարտունը մարտահրավեր նետեց կազմակերպության թեթև քաշային կարգի գործող չեմպիոնին՝ Խաբիբ Նուրմագոմեդովի թիմից Աբրու Մագոմեդովին։
Քննարկեք նորությունները!
Անցնել մեկնաբանություններին ↓
Comments
0