Մարատ Գրիգորյանը մենամարտ կանցկացնի Ճապոնիայում

Հայ կիկբոքսեր Մարատ Գրիգորյանը (68-14) իր հաջորդ մենամարտը կանցկացնի Ճապոնիայում՝ տեղացի մարզիկ Կայտո Օնոյի (58-8) դեմ։ Մենամարտը տեղի կունենա մարտի 23-ին Սայտամայում՝ ONE FC մրցաշարի շրջանակում։

Կայտո Օնոյի համար սա կլինի ONE FC-ում իր նորամուտային մենամարտը։ Նա Shoot Boxing և REBELS կազմակերպությունների չեմպիոն է։ 27-ամյա ճապոնացին համարվում է իր երկրի ուժեղագույն կիկբոքսերներից մեկը թեթևագույն քաշային կարգում։ 2024 թվականի ամռանը Կայտո Օնոն նոկաուտի ենթարկեց մեկ այլ հայ կիկբոքսերի՝ Արման Գամբարյանին։