Եվրոպա լիգա 2025/26․ Պանաթինայկոսը ջախջախեց Յանգ Բոյզին, Լիլը և Շտուտգարտը մեկնարկեցին հաղթանակներով

Հինգշաբթի՝ սեպտեմբերի 25-ին, ավարտվեց Եվրոպա լիգայի ընդհանուր փուլի առաջին տուրը։ Ինը հանդիպում կայացել էր մեկ օր առաջ, իսկ այսօր կայացան տուրի մնացած խաղերը։

Օրվա գլխավոր անակնկալը դարձավ շվեյցարական Յանգ Բոյզի խոշոր պարտությունը․ նրանք սեփական դաշտում զիջեցին Աթենքի Պանաթինայկոսին (1:4)։ Հունական ակումբը անմիջապես բարձրացավ աղյուսակի գագաթին։ Այս խաղում հեթ-տրիկի հեղինակ դարձավ մարոկկացի Անաս Զարուրին՝ դառնալով տուրի հերոսը։ Հաջող մեկնարկ ունեցան նաև Պորտուն, Լիոնը, ՖԿՍԲ-ն (նախկին Ստևաուա) և Ասթոն Վիլլան, որոնք նվազագույն հաշվով հաղթանակներ տարան։

Եվրոպա լիգայի նորեկ «Գո Ահեդ Իգլսը» մրցաշարը սկսեց տնային պարտությամբ՝ զիջելով ռումինական ՖԿՍԲ-ին։

Օրվա արդյունքները
Լիլ – Բրանն 2:1
Ֆերենցվարոշ – Վիկտորիա Պլզեն 1:1
Գո Ահեդ Իգլս – ՖԿՍԲ 0:1
Յանգ Բոյզ – Պանաթինայկոս 1:4
Ռեյնջերս – Գենկ 0:1
Շտուտգարտ – Սելտա 2:1
Զալցբուրգ – Պորտու 0:1
Ուտրեխտ – Լիոն 0:1
Ասթոն Վիլլա – Բոլոնյա 1:0

Աղյուսակ 1-ին տուրից հետո
Պանաթինայկոս – 3 միավոր (գոլերի տարբերությունը 4:1)
Դինամո Զագրեբ – 3 (3:1)
Միդյուլլանդ – 3 (2:0)
Ռոմա – 3 (2:0)
Լուդոգորեց – 3 (2:1)

Պլեյ-օֆֆ գոտում են Վիկտորիա Պլզենը, Սելտիկը, Ցրվենա Զվեզդան, Ֆերենցվարոշը և ՊԱՕԿ-ը, որոնք ունեն մեկական միավոր։

Առանց միավորների մնացին Յանգ Բոյզը, Շտուրմ Գրացին, Ֆեներբախչեն, ինչպես նաև նվազագույն հաշվով պարտված Բոլոնյան, Զալցբուրգը, Ֆեյենորդը, Ուտրեխտը և Ռեյնջերսը։