Շախմատի աշխարհի գավաթ․ Գոայում որոշվել են բոլոր քառորդ եզրափակիչ զույգերը

Հնդկական Գոա նահանգում ավարտվեց ՖԻԴԵ-ի Շախմատի աշխարհի գավաթի 1/8 եզրափակիչ փուլը, որի արդյունքներով հայտնի դարձան քառորդ եզրափակիչի բոլոր մասնակիցները։

1/4 եզրափակչի զույգերը հետևյալն են․

Սեմ Շենքլենդ (ԱՄՆ) — Անդրեյ Եսիպենկո (Ռուսաստան)

Ժավոխիր Սինդարով (Ուզբեկաստան) — Խոսե Մարտինես (Մեքսիկա)

Նոդիրբեկ Յակուբբոև (Ուզբեկաստան) — Ալեքսանդր Դոնչենկո (Գերմանիա)

Ի Վեյ (Չինաստան) — Արջուն Էրիգայսի (Հնդկաստան)

Քառորդ եզրափակչի առաջին պարտիաները նախատեսված են նոյեմբերի 17-ին, տուրերի մեկնարկը՝ տեղական ժամանակով 13:30-ին։

Հայ երկրպագուների համար 1/8 եզրափակիչ փուլը անհաջող ստացվեց․ Շախմատի աշխարհի գավաթի համար պայքարը ավարտեցին Հայաստանի հավաքականի ներկայացուցիչ Գաբրիել Սարգսյանը, ինչպես նաև ԱՄՆ դրոշի ներքո հանդես եկող, հայկական ծագում ունեցող գրոսմայստերներ Լևոն Արոնյանը և Սամուել Սևյանը։