«Կրասնոդարը» ջախջախեց «Զենիթին», Սպերցյանը կատարեց գոլային փոխանցում (ՎԻԴԵՈ)
- Հեղինակ: Vahe Hakobyan
- Sportaran
Փետրվարի 6-ին ՌՊԼ-ի առաջատար «Կրասնոդարը» Աբու Դաբիում անցկացրեց ընկերական հանդիպում «Զենիթի» դեմ։ Խաղը տեղի ունեցավ Winline ՌՊԼ ձմեռային գավաթի շրջանակում և ավարտվեց «ցուլերի» վստահ հաղթանակով՝ 3:0 հաշվով։
Խաղի հաշիվը բացեց Մոզեսը, իսկ երկրորդ խաղակեսում աչքի ընկան «Կրասնոդարի» երիտասարդ սաները՝ Արտյոմ Խմարինը և Էլդար Գուսեյնովը, որոնք վերջնականապես վճռեցին հանդիպման ելքը։
Թիմի ավագ Էդուարդ Սպերցյանը խաղադաշտում անցկացրեց 63 րոպե և իր հաշվին գրանցեց գոլային փոխանցում։ Հենց նրա ասիստից հետո Խմարինը խփեց «Կրասնոդարի» երկրորդ գոլը։
ՎԻԴԵՈ․
Այս հանդիպումը «Կրասնոդարի» համար կարևոր փուլ էր մրցաշրջանի երկրորդ հատվածին պատրաստվելու ճանապարհին, իսկ սկզբունքային մրցակցի նկատմամբ վստահ հաղթանակը թիմին դրական էմոցիաներ պարգևեց պաշտոնական հանդիպումների վերսկսումից առաջ։
ՌՊԼ-ն կվերսկսվի փետրվարի 28-ին։ «Կրասնոդարը» 19-րդ տուրում կմրցի «Ռոստովի» դեմ։
Քննարկեք նորությունները!
Անցնել մեկնաբանություններին ↓
Comments
0