Ակումբներ, որոնք 2025-ին առաջին անգամ դարձան չեմպիոն

2024/25 մրցաշրջանն ավարտին է մոտենում, և արդեն կարելի է ամփոփել արդյունքները. միանգամից մի քանի ակումբներ 2025 թվականին առաջին անգամ իրենց պատմության ընթացքում դարձան ազգային չեմպիոններ։

Ոմանց համար սա արդեն կայացած տրիումֆ է, իսկ մյուսների համար՝ դեռ սպասվող։ Ստորև՝ ակնարկ այն թիմերի մասին, որոնց համար 2025 թվականը կարող է դառնալ պատմական։

Արդեն իրենց երկրների չեմպիոններ են

«Նոա» (Հայաստան)
2017 թվականին «Արցախ» անվամբ հիմնադրված երևանյան «Նոա» ակումբը 2025 թվականին դարձավ Հայաստանի չեմպիոն՝ առաջին անգամ իր պատմության ընթացքում։ Ավելին, թիմը դա արեց տպավորիչ ոճով՝ գրեթե ոչ մի շանս չթողնելով մրցակիցներին։ Բացի այդ, «Նոա»-ն երկրորդ անգամ նվաճեց Հայաստանի գավաթը՝ կազմելով «ոսկե դուբլ։» Ակումբը նաև առաջին անգամ պատմության մեջ մասնակցեց Կոնֆերենցիաների լիգայի խմբային փուլին և շուտով կներկայանա Չեմպիոնների լիգայի որակավորման փուլում։

«Փաֆոս» (Կիպրոս)
Նույնանուն քաղաքից եկող ակումբը հիմնադրվել է ընդամենը տասը տարի առաջ՝ 2014-ին։ Նախորդ մրցաշրջանում թիմը նվաճեց Կիպրոսի գավաթը, իսկ 2025-ին մի քայլ առաջ կատարեց՝ ժամանակից շուտ դառնալով ազգային առաջնության հաղթող։ Առջևում գավաթի եզրափակիչն է ԱԵԿ Լառնակայի դեմ, և կա հնարավորություն կրկնել «Նոա»-ի հաջողությունը՝ ձևավորելով «ոսկե դուբլ»։

Կարող են առաջին անգամ դառնալ չեմպիոն

«Կրասնոդար» (Ռուսաստան)
Էդուարդ Սպերցյանի թիմը երկրորդ տարին անընդմեջ պայքարում է տիտղոսի համար։ 2024-ին «Կրասնոդար»-ը զբաղեցրեց երկրորդ տեղը, իսկ այժմ ՌՊԼ-ում գլխավորում է աղյուսակը՝ «Զենիթին» առաջ անցնելով մեկ միավորով՝ մինչ ավարտին մնացել է ընդամենը երկու տուր։ Ակումբը 17 տարվա պատմության ընթացքում դեռ ոչ մի տիտղոս չունի, սակայն 2025-ը կարող է դառնալ բեկումնային։

«Յունիոն Սեն-Ժիլուազ» (Բելգիա)
Բրյուսելյան ակումբը 11-ակի Բելգիայի չեմպիոն է, սակայն վերջին անգամ հաղթել է 1935 թվականին։ Մոտ 90 տարի առանց տիտղոսի։ Այժմ թիմը մեկ միավորով գերազանցում է «Բրյուգեին»՝ մինչ ավարտին մնացել է երկու տուր։ Պատմական հնարավորություն՝ վերադառնալու Բելգիայի ֆուտբոլային գագաթնակետ։

«Վոլֆսբերգեր» (Ավստրիա)
Նույնանուն քաղաքից եկող ակումբը այս տարի առաջին անգամ նվաճեց Ավստրիայի գավաթը և այժմ պայքարում է նաև առաջնության համար։ Երկու տուր առաջ թիմը երեք միավորով հետ է մնում գործող չեմպիոն «Շտուրմից», և վերջին տուրում նրանք խաղալու են միմյանց դեմ։ Ամեն ինչ կարող է որոշվել այդ հանդիպման ժամանակ։

«Պուշկաշ Ակադեմիա» (Հունգարիա)
Հայաստանի հավաքականի պաշտպան Գևորգ Ղարիբյանի հանդես եկող ակումբը դեռ երբեք չեմպիոն չի դարձել։ Այժմ թիմը հավակնորդների թվում է, բայց հնարավորությունները փոքր են՝ մրցաշարային աղյուսակը գլխավորող «Ֆերենցվարոշը» ունի երեք միավորի առավելություն՝ մինչև վերջ մնացած երկու տուր առաջ։ Այնուամենայնիվ, ֆուտբոլում ամեն ինչ հնարավոր է։