Արդյունքները՝ ձյուդոյի Եվրոպայի 2025 թվականի առաջնության երրորդ օրվանից

Ապրիլի 25-ին Չեռնոգորիայի մայրաքաղաք Պոդգորիցայում անցկացվեց ձյուդոյի Եվրոպայի 2025 թվականի առաջնության երրորդ մրցորդային օրը։ Երրորդ օրը խաղարկվեցին մեդալներ տղամարդկանց 81 կգ և 90 կգ, ինչպես նաև կանանց 70 կգ քաշային կարգերում։

Հայաստանի հավաքականի կազմում հանդես եկավ Գրիգորի Պասևինը (81 կգ), ով առաջին գոտեմարտում պարտվեց ռուս Թիմուր Արբուզովին, որը հետագայում դարձավ Եվրոպայի չեմպիոն։

Երրորդ օրը Եվրոպայի չեմպիոններ դարձան ռուսաստանցի Թիմուր Արբուզովը, իտալացի Քրիստիան Պառլատին և հունգարուհի Սոֆի Օզբասը։

Եվրոպայի 2025 թվականի առաջնություն՝ ձյուդո, ապրիլի 25 – Օրվա արդյունքներ

Տղամարդիկ

81 կգ

1. Թիմուր Արբուզով (Ռուսաստան)
2. Թատո Գրիգալաշվիլի (Վրաստան)
3. Զելիմ Ցկաև (Ադրբեջան), Մատիաս Կասսե (Բելգիա)

90 կգ

1. Քրիստիան Պառլատի (Իտալիա)
2. Մաքսիմ-Գաել Նգայապ Համբու (Ֆրանսիա)
3. Մուրադ Ֆաթիև (Ադրբեջան), Իվայլո Իվանով (Բուլղարիա)

Կանայք

70 կգ

1. Սոֆի Օզբաս (Հունգարիա)
2. Էլիզավետ Տելցիդու (Հունաստան)
3. Լարա Ցվյետկո (Խորվաթիա), Ալեքսանդրա Անդրիչ (Սերբիա)

Հավաքականների մեդալային հաշվարկում շարունակում է առաջատարը լինել Ֆրանսիայի հավաքականը՝ 2 ոսկե, 2 արծաթե և 4 բրոնզե մեդալներով։ Երկրորդ տեղում է Ռուսաստանը՝ 2 ոսկե և 2 արծաթե մեդալով։

Ապրիլի 26-ին մեդալներ կխաղարկվեն տղամարդկանց 100 կգ և +100 կգ, ինչպես նաև կանանց 78 կգ և +78 կգ քաշային կարգերում։