Իսպանիան՝ Եվրո-2026 ֆուտզալի հաղթող

Իսպանիայի հավաքականը վերադարձավ Եվրոպայի ֆուտզալի չեմպիոնի գահին՝ Եվրո-2026-ի եզրափակչում հաղթելով գործող չեմպիոն Պորտուգալիային։ Եզրափակիչ հանդիպումն ավարտվեց իսպանացիների հաղթանակով՝ 5:3 հաշվով։

Այսպիսով, Իսպանիան ընդհատեց Պորտուգալիայի հեգեմոնիան, որը հաղթել էր Եվրոպայի նախորդ երկու առաջնությունները անընդմեջ, և դարձավ մայրցամաքի 8-ակի չեմպիոն։ Վերջին անգամ «Կարմիր ֆուրիան» Եվրոպայի ոսկին նվաճել էր տասը տարի առաջ՝ 2016 թվականին։

Եզրափակչի գլխավոր հերոսը դարձավ Անտոնիո Պերեսը, որը ձևակերպեց հեթ-տրիկ և իր անունը գրեց եվրոպական ֆուտզալի պատմության մեջ։ Նրա ֆենոմենալ խաղը դարձավ Իսպանիայի հաղթանակի գլխավոր բանալին դրամատիկ հանդիպման մեջ, որի լարվածությունն ու սցենարը արդեն համեմատվում են ութ տարի առաջ տեղի ունեցած լեգենդար եզրափակչի հետ, երբ նույն փուլում Պորտուգալիան գահընկեց արեց Իսպանիային։

Չնայած պարտությանը՝ պորտուգալացիները ցուցադրեցին չեմպիոնական բնավորություն։ Հանդիպման ընթացքում նրանք երկու անգամ զիջում էին հաշվում (0:2 և 2:3), սակայն ամեն անգամ կարողանում էին վերադառնալ խաղ։ Այս անգամ, սակայն, կանգնեցնել Իսպանիային չհաջողվեց․ ավարտվեց ոչ միայն ութամյա տիտղոսային դարաշրջանը, այլև եզրափակիչ խաղերում գրանցված տպավորիչ 16 անընդմեջ հաղթանակների շարքը (20՝ հաշվի առնելով ընտրական փուլը)։

Եզրափակիչ սուլիչից հետո տեղի ունեցավ այն, ինչ ֆուտզալի Եվրոպան չէր տեսել արդեն տասը տարի․ Իսպանիան կրկին տոնում է հաղթանակը գավաթով։ Այժմ իսպանացիների հավաքածուում Եվրոպայի չեմպիոնի տիտղոսներն են՝ 1996, 2001, 2005, 2007, 2010, 2012, 2016 և 2026 թվականներին։

Մրցաշարի արդյունքներով Անտոնիո Պերեսը ճանաչվեց Եվրո-2026-ի լավագույն ֆուտբոլիստ։

Մրցաշարի բրոնզե մեդալը՝ Խորվաթիային

Երրորդ տեղի համար խաղում Խորվաթիայի հավաքականը հաղթեց Ֆրանսիային 11-մետրանոց հարվածաշարով՝ 5:5 (6:5՝ պենալտիներով)։

Հիշեցնենք, որ հենց Խորվաթիային էր պարտվել Հայաստանի հավաքականը մրցաշարի քառորդ եզրափակչում։

Եվ այո — Ռուբեն Նազարեթյանի «անեծքը» կրկին գործեց։