Գրիշա Նազարյանը և Հայկ Մնացականյանը հաղթող են դարձել Բուլղարիայում կայացած մրցաշարում

Բուլղարիայի Վառնա քաղաքում ավարտվեց «Դան Կոլով - Նիկոլա Պետրով» միջազգային ըմբշամարտի մրցաշարի առաջին օրը: Առաջին օրվա ընթացքում ոսկե մեդալակիր դարձան Հայկ Մնացականյանն ու Գրիշա Նազարյանը, որոնք ներկայացնում են Բուլղարիան:

Գրիշա Նազարյանը, ով Արմեն Նազարյանի որդին և Էդմոն Նազարյանի կրտսեր եղբայրն է, հաղթանակ տարավ մինչև 63 կգ քաշային կարգում հունահռոմեական ըմբշամարտում՝ հաղթելով Բուլղարիայից երկու մրցակցի:

Հունահռոմեական ըմբշամարտի Բուլղարիայի հավաքականի առաջատարներից մեկը՝ Հայկ Մնացականյանը, այս անգամ հանդես եկավ մինչև 82 կգ քաշային կարգում և դարձավ ոսկե մեդալակիր:

«Դան Կոլով - Նիկոլա Պետրով» մրցաշարի մեդալակիրները՝ առաջին օրվա արդյունքներով

Հունահռոմեական ըմբշամարտ
55 կգ

1. Գալին Ֆուռնաջիև (Բուլղարիա)
2. Ստեֆան Ստեֆանով (Բուլղարիա)
3. Կրասիմիր Կալոյանով (Բուլղարիա)

63 կգ

1. Գրիշա Նազարյան (Բուլղարիա)
2. Միրզա Էմիլով (Բուլղարիա)
3. Քրիստիան Միլենկով (Բուլղարիա)

72 կգ

1. Հասան Ռեզայի (Իրան)
2. Իվո Իլիև (Բուլղարիա)
3. Պետար Գոռնյաշկի (Բուլղարիա)

82 կգ

1. Հայկ Մնացականյան (Բուլղարիա)
2. Սվետոսլավ Նիկոլով (Բուլղարիա)
3. Մոհամմադ Նագուսի (Իրան)

Ազատ ոճի ըմբշամարտ
Ազատ ոճի ըմբշամարտի առաջին եզրափակիչները կկայանան հունվարի 24-ին: Հայտնի են արդեն մի քանի քաշային կարգերի եզրափակիչ մասնակիցները:

61 կգ
Դեյթոն Ֆիքս (ԱՄՆ) - Դևան Թերներ (ԱՄՆ)

70 կգ
Ուիլյամ Լևան Ջունիոր (ԱՄՆ) - Կալոյան Աթանասով (Բուլղարիա)

79 կգ
Քենեդի Մոնդեյ (ԱՄՆ) - Թորնիկե Տուլաշվիլի (Վրաստան)