Գրանտ-Լեոն Ռանոսը կվերադառնա «Բորուսիա Մյոնխենգլադբախ», սակայն կրկին կզիջվի վարձակալությամբ

Հայաստանի ազգային հավաքականի հարձակվող Գրանտ-Լեոն Ռանոսը ավարտում է իր վարձակալությունը Գերմանիայի երկրորդ Բունդեսլիգայի «Կայզերսլաուտերն» ակումբում և վերադառնում է «Բորուսիա Մյոնխենգլադբախ»։ Սակայն, ինչպես հաղորդում է գերմանական BILD պարբերականը, 21-ամյա ֆուտբոլիստը կրկին կանցնի վարձակալության՝ այս անգամ այնպիսի թիմ, որը կարող է երաշխավորել նրան կայուն խաղային ժամանակ։

«Կայզերսլաուտերում» Ռանոսը անցկացրեց մրցաշրջանի երկրորդ մասը, սակայն խաղաժամանակը շատ սուղ էր՝ ընդամենը 5 խաղ, 55 րոպե խաղադաշտում և ոչ մի արդյունավէտ գործողություն։ Ընդհանուր առմամբ մրցաշրջանի ընթացքում նա անցկացրել է 11 պաշտոնական խաղ (412 րոպե), որոնց մեծ մասը եղել են «Բորուսիա Մյոնխենգլադբախի» երկրորդ թիմի կազմում՝ Գերմանիայի չորրորդ դիվիզիոնի՝ տարածաշրջանային լիգայի շրջանակում։

Հենց այնտեղ էր, որ Ռանոսը աչքի ընկավ իր միակ արդյունավետ գործողություններով մրցաշրջանում՝ 2 գոլ և 3 գոլային փոխանցում 4 խաղում (339 րոպե)։ Նա նաև 18 րոպե խաղացել է Բունդեսլիգայում՝ փոխարինում մտնելով «Բորուսիայի» հիմնական թիմի կազմում։

Սպասվում է, որ հայ հարձակվողի կարիերայում հաջորդ փուլը կլինի վարձակալությունը մի ակումբ, որտեղ նա կկարողանա պարբերաբար խաղալ մեծահասակների մակարդակով։

Հիշեցնենք, որ Ռանոսը միացել էր «Բորուսիա Մյոնխենգլադբախին» Մյունխենի «Բավարիայի» երկրորդ թիմում մի քանի շատ արդյունավետ մրցաշրջանների և Հայաստանի հավաքականի կազմում հաջող խաղերից հետո։