Գերագուսյանը գոլ խփեց Պրեմիեր լիգայի գավաթում՝ Հայաստանի հավաքական առաջին հրավերից հետո (ՏԵՍԱՆՅՈՒԹ)

«Սանդերլենդ U21»-ը դուրս եկավ Պրեմիեր լիգայի գավաթի կիսաեզրափակիչ՝ մարտի 6-ին կայացած խաղում 3:1 հաշվով հաղթելով «Ուոթֆորդ U21»-ին։

Հանդիպման հաշիվը 52-րդ րոպեին բացեց Հայաստանի երիտասարդական հավաքականի հարձակվող Ֆինն Գերագուսյանը։ Այս գոլը դարձավ 18-ամյա հարձակվողի արդեն 13-րդը ընթացիկ մրցաշրջանում, իսկ «Սանդերլենդ U21»-ը տարավ իր 6-րդ անընդմեջ հաղթանակը։ Երկրորդ խաղակեսի կեսին հայ հարձակվողը փոխարինվեց։

Նշենք, որ հենց խաղի օրը հայտնի դարձավ Գերագուսյանի առաջին հրավերը Հայաստանի ազգային հավաքական։ 18-ամյա հարձակվողը հրավիրվել է մարտի ընկերական հանդիպումներին, որոնցում Հայաստանի հավաքականը կհանդիպի ԱՄԷ-ին (մարտի 26) և Բելառուսին (մարտի 29)։

ԳՈԼԻ ՏԵՍԱՆՅՈՒԹԸ՝