Գեորգի Հարությունյանը գոլային փոխանցմամբ աչքի ընկավ «Պուշկաշ Ակադեմիայի» կազմում (ՏԵՍԱՆՅՈՒԹ)

Հայաստանի հավաքականի պաշտպան Գեորգի Հարությունյանը գրանցեց իր առաջին արդյունավետ գործողությունը Հունգարիայի «Պուշկաշ Ակադեմիայի» կազմում՝ կատարելով գոլային փոխանցում։ Աղյուսակի 28-րդ տուրի՝ «Պակշի» դեմ խաղում (2։2) ավելացված ժամանակում նա գլխով ճշգրիտ փոխանցում կատարեց Ջոել Ֆեմեյային, ով հավասարեցրեց հաշիվը՝ փրկելով թիմին պարտությունից։

Այս ոչ-ոքիի շնորհիվ «Պուշկաշ Ակադեմիան» պահպանեց առաջատարի դիրքը Հունգարիայի առաջնության մրցաշարային աղյուսակում՝ ունենալով հավասար միավորներ «Ֆերենցվարոշի» հետ, որն, այնուամենայնիվ, մեկ խաղով պակաս է անցկացրել։

Հետաքրքիր է, որ Հարությունյանը, լինելով կենտրոնական պաշտպան, այս խաղում հանդես եկավ որպես հենակետային կիսապաշտպան և ցուցադրեց տպավորիչ բազմակողմանիություն։

Գեորգի Հարությունյանի վիճակագրությունը «Պակշի» դեմ խաղում․
▪️ Խաղի ժամանակ՝ 90+ րոպե
▪️ Ասսիստներ՝ 1
▪️ Ճշգրիտ փոխանցումներ՝ 29 (83%)
▪️ Բացառիկ փոխանցումներ՝ 1
▪️ Երկար փոխանցումներ՝ 5-ից 5
▪️ Ստեղծված գոլային պահեր՝ 1
▪️ Հաջող դրիբլինգ՝ 2-ից 2
▪️ Հաղթած մենամարտեր՝ 10-ից 4
▪️ Հաղթած օդային մենամարտեր՝ 2-ից 2
▪️ Գնդակի կորստներ՝ 10
▪️ Խախտումներ՝ 3
▪️ Ընդհատումներ՝ 1
▪️ Մաքրումներ՝ 8
▪️ Խաղացողի ընտրումներ՝ 2
▪️ SofaScore գնահատական՝ 7.1