Հենրիխ Մխիթարյանը «Ինտերի» մեկնարկային կազմում է «Պիզայի» դեմ խաղում

Հայաստանի հավաքականի կիսապաշտպան Հենրիխ Մխիթարյանը, ով երկու օր առաջ նշեց իր 37-ամյակը, կխաղա մեկնարկային րոպեներից Իտալիայի Ա սերիայի 22-րդ տուրի հանդիպմանը՝ Միլանի «Ինտերի» և «Պիզայի» միջև։ Խաղի սկիզբը՝ Երևանի ժամանակով 23:45։

«Ներաձուրրիի» գլխավոր մարզիչ Քրիստիան Կիվուն մեկնարկային կազմում վստահել է նաև Պիո Էսպոզիտոյին, որը հարձակման գծում կգործի Լաուտարո Մարտինեսի հետ զույգով։ Կիսապաշտպանությունում խաղը կմեկնարկեն Լուիս Էնրիկեն, Լուկա Սուտիչը և Պյոտր Զելինսկին։ Մանուել Ականջին և Ֆեդերիկո Դիմարկոն հանգիստ են ստացել, սակայն Ալեսանդրո Բաստոնին մնացել է մեկնարկային կազմում։

Հյուրերի գլխավոր մարզիչ Ալբերտո Ջիլարդինոն խաղադաշտ դուրս կբերի Մորեո — Տրամոնի զույգին՝ առաջ մղված հարձակվող Մեյստերի հետևում։ «Պիզայի» պաշտպանությունում կխաղա Կոպպոլան։

Թիմերի մեկնարկային կազմերը

Ինտեր (3-5-2): Զոմեր; Բիսեկ, դե Ֆրեյ, Բաստոնի; Լուիս Էնրիկե, Սուտիչ, Զելինսկի, Մխիթարյան, Կառլոս Աուգուստո; Լաուտարո, Էսպոզիտո։
Գլխավոր մարզիչ՝ Քրիստիան Կիվու։

Պիզա (3-4-2-1): Սկուֆետ; Կալաբրեզի, Կոպպոլա, Կանեստրելլի; Տուրե, Մարին, Էբիշեր, Անգորի; Մորեո, Տրամոնի; Մեյստեր։
Գլխավոր մարզիչ՝ Ալբերտո Ջիլարդինո։

«Ինտերը» հանդիպմանը մոտենում է Չեմպիոնների լիգայում «Արսենալից» կրած պարտությունից հետո և ձգտում է վերականգնել իր դիրքերը։