Հենրիխ Մխիթարյանը Նոր տարվա ուղերձով դիմել է հայ ժողովրդին
Photo by Marco Canoniero/LightRocket via Getty Images
- Հեղինակ: Vahe Hakobyan
- Sportaran
Միլանի «Ինտերի» կիսապաշտպան, Հայաստանի ազգային հավաքականի պատմության լավագույն ռմբարկու Հենրիխ Մխիթարյանը Նոր տարվա ուղերձով դիմել է իր հայրենակիցներին՝ շնորհավորելով տոնի առթիվ և անդրադառնալով երկրի համար կարևոր թեմաներին։
Իր ուղերձում 36-ամյա ֆուտբոլիստը բոլորին մաղթել է խաղաղություն, սեր և բարեկեցություն, ինչպես նաև աջակցություն է հայտնել այն հայերին, որոնք, նրա խոսքով, ապօրինաբար պահվում են հարևան երկրի բանտերում։ Մխիթարյանը ընդգծել է, որ հույս ունի արդարության հաղթանակի և բոլորի անվտանգ վերադարձի հայրենիք։
Հենրիխ Մխիթարյանի ուղերձի ամբողջական տեքստը․
«Այս շատ առանձնահատուկ օրը ես կցանկանայի իմ ջերմ բարեմաղթանքները հղել բոլորիդ։ Թող խաղաղությունը, սերը և բարեկեցությունը միշտ ուղեկից լինեն ձեզ։ Մաղթում եմ ձեզ հաջողություն և քաջառողջություն այս տարի և հետագայում։
Ես չէի կարող գրել այս ուղերձը՝ առանց հատուկ անդրադարձի մեր այն հայրենակիցներին, որոնք ապօրինի պահվում են հարևան երկրի բանտերում։ Թող այս տարին դառնա նոր հույսերի և անվտանգ տուն վերադարձի տարի, թող աշխարհը վերջապես գործի հանուն արդարության և անկողմնակալության։
Շնորհավոր Ամանոր», – գրել է Մխիթարյանը։
Նշենք, որ ընթացիկ մրցաշրջանում Հենրիխ Մխիթարյանը «Ինտերի» կազմում անցկացրել է 13 հանդիպում բոլոր մրցաշարերում՝ կատարելով մեկ գոլային փոխանցում։
Քննարկեք նորությունները!
Անցնել մեկնաբանություններին ↓
Comments
0