Հենրիխ Մխիթարյան. «Մենք ցանկանում ենք դուրս գալ եզրափակիչ՝ մեր երկրպագուների հետ միասին»
Միլանի «Ինտերի» կիսապաշտպան Հենրիխ Մխիթարյանը հարցազրույց է տվել SkySport հեռուստաալիքին՝ Չեմպիոնների լիգայի կիսաեզրափակչի պատասխան խաղից առաջ «Բարսելոնայի» դեմ։
«Սա մի խաղ է, որը կարող է մեզ դուրս բերել եզրափակիչ։ Մենք ցանկանում ենք ամեն ինչ անել մեր երկրպագուների հետ միասին, որպեսզի անցնենք հաջորդ փուլ», — ասել է Մխիթարյանը։
Ֆուտբոլիստը նշել է, որ նման խաղերում կարևոր է ոչ միայն փորձը․
«Ոչ միայն փորձը, այլ նաև պարզությունը և հանգստությունը։ Մենք բոլորս պետք է միասին լինենք, պայքարենք այս խաղում հաղթելու համար»։
Լրագրողի հարցին՝ արդյոք թիմն իջնում է խաղադաշտ՝ զգալով գերազանցություն մրցակցի նկատմամբ, հայ կիսապաշտպանը պատասխանել է․
«Ոչ։ Մենք խաղադաշտ ենք դուրս գալիս՝ խաղը խաղալու համար, անում ենք հնարավոր ամեն ինչ, իսկ հետո կտեսնենք»։
Անհատական պատրաստության մասին խոսելով Լամին Յամալի դեմ՝ Մխիթարյանն ընդգծել է․
«Մեզ մոտ չկա տակտիկա, որը նախատեսված է միայն մեկ ֆուտբոլիստի համար։ Մենք պատրաստվել ենք «Բարսելոնայի» ամբողջ թիմի դեմ խաղին, կտեսնենք այսօր»։
Նա նաև ընդգծել է երկրպագուների մեծ դերը․
«Որքանո՞վ կարևոր են հանդիսատեսները։ Շատ կարևոր»։
«Ինտեր» - «Բարսելոնա» պատասխան խաղը․ թիմերի մեկնարկային կազմերը
Քննարկեք նորությունները!
Անցնել մեկնաբանություններին ↓
Comments
0