«Երևան»-ը՝ ֆուտզալի Հայաստանի գավաթակիր

Ֆուտզալի «Երևան» ակումբը դարձավ 2024/25 մրցաշրջանի Հայաստանի գավաթակիր: Եզրափակիչ խաղում «Երևան»-ը 12:1 հաշվով ջախջախեց «Լոգիկոն»-ին։

Հաղթողների կազմում դուբլով աչքի ընկան Վրեժ Չիլոյանը, Էդգար Մկրտչյանը, Արթուր Պատատյանը և Միգրան Դերմենջյանը։ Մեկական գոլ հեղինակեցին Կարեն Խաթուևը, Գարեգին Մաշումյանը, Աղասի Եղիազարյանը և Գարիկ Գրիգորյանը։

Եզրափակիչին նախորդող կիսաեզրափակչում «Երևան»-ը կամային հաղթանակ տարավ Հայաստանի առաջնության առաջատար «Յունիսպորտ»-ի նկատմամբ՝ 6:5 հաշվով։ Եթե կիսաեզրափակիչը բարդ պայքար էր, ապա եզրափակիչը վերածվեց հեշտ զբոսանքի։

Հիշեցնենք, որ «Երևան»-ը և «Յունիսպորտ»-ը կրկին կմրցեն՝ այս անգամ Հայաստանի առաջնության փլեյ-օֆֆի եզրափակիչում։ Խաղերը կկայանան մայիսի 21-ին և 25-ին։