«Սանդերլենդի» խաղացող Ֆինն Գերագուսյանը մեկնաբանել է Հայաստանի հավաքականում իր առաջին հրավերը

Անգլիական «Սանդերլենդի» երիտասարդական թիմի 18-ամյա հարձակվող Ֆինն Գերագուսյանը կիսվել է իր զգացմունքներով Հայաստանի ազգային հավաքական առաջին հրավերը ստանալուց հետո։

«Անհավանական էր նման զանգ ստանալը։ Հրաշալի զգացողություններ են։ Դա հիանալի պատմություն կլինի, երբ այնտեղ գնամ ներկայացնելու իմ երկիրը։ Իմ ընտանիքը շատ հպարտ է դրանով։ Չեմ կարող սպասել Հայաստանի հավաքականի, նոր մարզիչների և խաղացողների հետ նոր պատմության սկսվելուն։ Դա կարող է նոր կողմեր բերել իմ խաղին», — նշել է Գերագուսյանը։

18-ամյա հարձակվողը նաև պատմել է «Սանդերլենդի» հիմնական թիմ առաջին հրավերի մասին՝ Անգլիայի գավաթի խաղի համար, ընդգծելով, որ դա կարևոր քայլ էր իր մասնագիտական զարգացման ճանապարհին։

Գերագուսյանը հրավիրվել է Հայաստանի ազգային հավաքականի մարտյան հավաքին։ Այդ հավաքի շրջանակում Հայաստանի հավաքականը կանցկացնի երկու ընկերական հանդիպում՝ մարտի 26-ին ԱՄԷ-ի և մարտի 29-ին Բելառուսի հավաքականների դեմ։