Էրիկ Դավիդյանը տեղափոխվեց Կիպրոսի «Красava» ակումբ
- Հեղինակ: Vahe Hakobyan
- Sportaran
Հայաստանի մինչև 19 տարեկանների հավաքականի ֆուտբոլիստ Էրիկ Դավիդյանը պաշտոնապես դարձավ Կիպրոսի Բարձրագույն լիգայի «Красava» ակումբի խաղացող։ 18-ամյա հարձակվողը տեղափոխվեց ֆիննական «Հոնկա»-ից, որտեղ անցել էր ճանապարհը ակադեմիայից մինչև հիմնական թիմ։ Նոր ակումբի հետ Դավիդյանը կնքել է երեք տարվա պայմանագիր։
Էրիկը ծնվել է Ֆինլանդիայում և փոքր տարիքում սկսել է ֆուտբոլ խաղալ «Հոնկա»-ի համակարգում։ 16 տարեկանում նա արդեն արեց իր դեբյուտը մեծերի թիմում՝ անցկացնելով 15 խաղ և խփելով երեք գոլ։
Երիտասարդական կարիերայի ընթացքում Դավիդյանը հասցրել է հաղթել Ֆինլանդիայի մինչև 19 տարեկանների առաջնությունում, ինչպես նաև մասնակցել UEFA-ի Մինչև 19 տարեկանների Չեմպիոնների լիգային, որտեղ գոլ է խփել և գոլային փոխանցում կատարել Մալթայի «Վալետտա»-ի դեմ հանդիպումներում։
2023 թվականից Դավիդյանը հրավիրվում է Հայաստանի մինչև 16 տարեկանների հավաքական։ Նա բազմակողմանի է խաղադաշտում և կարող է հանդես գալ թե՛ հարձակման եզրերում, թե՛ որպես եզրային պաշտպան։
Դավիդյանի տեղափոխությունը «Красava» նրա համար բացում է նոր էջ կարիերայում և կարևոր քայլ է երիտասարդ խաղացողի զարգացման ճանապարհին։ Ավելի վաղ մենք գրել էինք, որ Էրիկը փորձաշրջան էր անցել «Красava»-ում և ստացել բարձր գնահատական ակումբի սեփականատիրոջ՝ Եվգենի Սավինի կողմից։
Ընթացիկ մրցաշրջանում Կիպրոսի առաջնությունում «Красava»-ն երկու տուրից հետո զբաղեցնում է 8-րդ տեղը։
Քննարկեք նորությունները!
Անցնել մեկնաբանություններին ↓
Comments
0