Էլինա Ավանեսյանը ծանր պայքարում հաղթեց Սինյույ Վանին և դուրս եկավ WTA Doha-ի 1/16 եզրափակիչ

Հայ տենիսիստուհի Էլինա Ավանեսյանը (WTA 48) մեծ ջանքերով հաղթանակ տարավ չինացի Սինյույ Վանի (WTA 36) նկատմամբ և դուրս եկավ Դոհայի հեղինակավոր WTA 1000 մրցաշարի 1/16 եզրափակիչ։ Խաղը շատ լարված էր և տևեց ավելի քան երեք ժամ, ավարտվելով Ավանեսյանի օգտին երեք սեթում՝ 7:6 (7:3), 1:6, 7:6 (7:5)։

Առաջին սեթում պայքարը հավասար էր, և այն հասավ մինչև թայ-բրեյք, որտեղ Ավանեսյանը ցուցաբերեց սառնասրտություն և կարողացավ հաղթել։ Երկրորդ սեթում Վանը խաղում էր ավելի վստահ և հնարավորություն տվեց մրցակցին հաղթել միայն մեկ գեյմ։ Սակայն վճռորոշ երրորդ սեթում Ավանեսյանը կարողացավ կենտրոնանալ, դժվար իրավիճակներում ճիշտ խաղալ և նորից հասնել թայ-բրեյքի, որտեղ արդեն առավելության հասավ ու վերջնականապես կոտրեց մրցակցի դիմադրությունը։

1/16 եզրափակչում Էլինա Ավանեսյանը կմրցի Կասատկինա / Կուդերմետովա զույգի հաղթողի հետ։