Էդուարդ Սպերցյանը հանդես է եկել հայտարարությամբ սկանդալի ֆոնին․ «Պատրաստ եմ անցնել պոլիգրաֆ»

«Կրասնոդարի» ավագը և Հայաստանի հավաքականի առաջատարը՝ Էդուարդ Սպերցյանը, առաջին անգամ ուղղակիորեն դիմեց երկրպագուներին՝ մեկնաբանելով իրեն վերագրվող ռասիստական արտահայտության մեղադրանքները «Ախմատի» պաշտպան Ուսման Նդոնգի հասցեին։

Տեսաուղերձում Սպերցյանը կատարվածը անվանեց «ցիրկ» և շեշտեց, որ նման բան թույլ չի տվել․

«Ես Էդուարդ Սպերցյանն եմ, ցանկանում եմ մեկնաբանել երեկվա իրավիճակը, որը դուրս է եկել սահմաններից։ Ես անընդունելի եմ համարում չապացուցված մեղադրանքները իմ հասցեին։ Պատրաստ եմ ապացուցել իմ արդարությունը ցանկացած ձևով՝ շուրթերից կարդացեք, պոլիգրաֆ՝ խնդիր չկա։ Ես վստահ եմ իմ մեջ, իմ խոսքերի մեջ, ես դա չեմ ասել»։

Ֆուտբոլիստը հավելել է, որ մեծացել է Կովկասում և դաստիարակվել հարգանքով մարդկանց նկատմամբ․
«Ես մեծացել եմ Կովկասում, գիտեմ բոլոր հասկացությունները, ծնողներս ճիշտ են ինձ դաստիարակել, ես երբեք նման բան չէի անի։ Այն, ինչ կատարվում է, ծիծաղելի է և հիշեցնում է ցիրկ»։

Սպերցյանը նշել է, որ որոշել է անձամբ խոսել, քանի որ միջադեպի շուրջ «շատ խոսակցություններ և ասեկոսեներ» են տարածվել․
«Որոշեցի կիսվել այս ամենով, քանի որ շատ բաներ են գրում։ Բայց ես պատասխանատու եմ իմ խոսքերի համար»։

Ավելի վաղ Նդոնգը պնդել էր, թե Սպերցյանը իրեն վիրավորել է ռասիստական հիմքով «Կրասնոդար»—«Ախմատ» խաղի ժամանակ։ Սպերցյանը կտրականապես հերքել է այդ մեղադրանքները։

ՌՖՖ-ի Կարգապահական կոմիտեն շարունակում է գործի քննությունը, և սպասվում է, որ որոշումը կկայացվի առաջիկա օրերին։