Էդուարդ Սպերցյանը դարձավ հանդիպման հերոսը «Դինամո Մախաչկալայի» դեմ (ՏԵՍԱՆՅՈՒԹ)

Ռուսաստանի Պրեմիեր լիգայի 12-րդ տուրում «Կրասնոդարը» արտագնա խաղում վստահ հաղթանակ տարավ «Դինամո Մախաչկալայի» նկատմամբ՝ 2:0 հաշվով։ Թիմի հաջողության մեջ առանցքային դեր խաղաց Հայաստանի ազգային հավաքականի կիսապաշտպան Էդուարդ Սպերցյանը։

Ֆուտբոլիստը խաղադաշտում անցկացրեց 70 րոպե և 43-րդ րոպեին բացեց հաշիվը՝ իրացնելով Ջոն Կորդոբայի փոխանցումը։ Այդ գոլը դարձավ հանդիպման վճռորոշ պահը։ Երկրորդ գոլը 80-րդ րոպեին խփեց Վիկտոր Սան՝ ամրապնդելով «ցուլերի» առավելությունը։

Էդուարդ Սպերցյանի վիճակագրությունը խաղում․

• Գոլեր՝ 1
• Հարվածներ՝ 1
• Կարևոր փոխանցումներ՝ 1
• Ճշգրիտ փոխանցումներ՝ 17 (71%)
• Երկար փոխանցումներ՝ 1/2
• Գնդակի կորուստներ՝ 15
• Խախտումներ՝ 2
• Գնդակի խլումներ՝ 1
• Հեռացումներ՝ 1
• Մենապայքարներ՝ 3/4
• Գլխային մենապայքարներ՝ 1/2
• SofaScore գնահատական՝ 8.1 (լավագույն խաղացող)

Այս հաղթանակից հետո «Կրասնոդարը» շարունակում է գլխավորել ՌՊԼ-ի մրցաշարային աղյուսակը՝ ունենալով 26 միավոր։

Տեսանյութ՝