Ջորջիո Պետրոսյանը հաղթանակ տարավ իր 115-րդ մենամարտում և պաշտպանեց WAKO Pro-ի տիտղոսը (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
Մայիսի 24-ին Միլանում՝ Petrosyan Mania Gold Edition մրցաշարի շրջանակում, լեգենդար քիքբոքսեր Ջորջիո «Բժիշկ» Պետրոսյանը (107-3-2, 2 NC) անցկացրեց իր 115-րդ պրոֆեսիոնալ մենամարտը և համոզիչ հաղթանակ տարավ մինչ այդ անպարտ ֆրանսիացի Էմերիկ Լազիզիի (22-1-1) նկատմամբ։
Մենամարտը տևեց ամբողջ 5 ռաունդը և ավարտվեց դատավորների միաձայն որոշմամբ՝ հօգուտ Պետրոսյանի։ 39-ամյա վետերան հայ մարզիկը ոչ միայն վերահսկում էր մենամարտի ընթացքը, այլև ցուցադրեց իր վարպետությունը՝ երկրորդ ռաունդում նոկդաունի ենթարկելով մրցակցին։ Վերջին երկու ռաունդներում ավելի թարմ տեսք ուներ երիտասարդ Լազիզին, սակայն միավորներով հաղթանակը մնաց Պետրոսյանին՝ հաշվի առնելով երկրորդ ռաունդի նոկդաունը։
ՏԵՍԱՆՅՈՒԹ՝
Այս հաղթանակով Պետրոսյանը հաջողությամբ պաշտպանեց իր WAKO Pro չեմպիոնական տիտղոսը՝ K-1 կանոններով՝ ևս մեկ անգամ հաստատելով իր կարգավիճակը որպես քիքբոքսինգի պատմության մեծագույն մարտիկներից մեկը։
Քննարկեք նորությունները!
Անցնել մեկնաբանություններին ↓
Comments
0