ԲՏԱ-ն նվաճեց Ռուսաստանի Սուպերգավաթը, Սպերցյանը խաղաց ամբողջ հանդիպումը

Մոսկվայի CSKA-ն դարձավ Ռուսաստանի Սուպերգավաթի հաղթող՝ 1:0 հաշվով հաղթելով «Կրասնոդարին»։ Հանդիպումը կայացավ չեզոք դաշտում և ավարտվեց բանակայինների նվազագույն հաշվով հաղթանակով՝ կենտրոնական պաշտպան Իգոր Դիվեևի խփած գոլի շնորհիվ։

«Կրասնոդարի» ավագ Էդուարդ Սպերցյանը խաղաց ամբողջ հանդիպումը և SofaScore-ից ստացավ 6.9 միավոր։ Հայաստանի ազգային հավաքականի կիսապաշտպանը հանդես եկավ հետևյալ վիճակագրությամբ․

• ճշգրիտ փոխանցումներ՝ 20 / 30 (67%);

• առանցքային փոխանցումներ՝ 2;

• կենտրոնումներ՝ 2 / 7;

• հեռահար փոխանցումներ՝ 1 / 1;

• հարվածներ դարպասին՝ 1;

• հաղթած մենամարտեր՝ 2 / 4;

• գնդակի կորուստներ՝ 18;

• խլումներ՝ 1:

CSKA-ի հայ պաշտպան Արտյոմ Բանդիկյանը մնաց պահեստում և դաշտ չմտավ։