«Ցրվենա Զվեզդան» ջախջախեց «Պարտիզանին», Տիկնիզյանը կատարեց գոլային փոխանցում

«Ցրվենա Զվեզդան» Սերբիայի առաջնության 24-րդ տուրի խաղում 3:0 հաշվով վստահ հաղթանակ տարավ «Պարտիզանի» նկատմամբ։

Դեյան Ստանկովիչի թիմը վերահսկում էր հանդիպման ընթացքը և կարողացավ իր առավելությունը վերածել գոլերի երկրորդ խաղակեսում։ Այս հաղթանակի շնորհիվ «կարմիր-սպիտակները» մրցաշարային աղյուսակում առավելությունը սկզբունքային մրցակցի նկատմամբ հասցրին չորս միավորի։

Հայաստանի ազգային հավաքականի պաշտպան Նաիր Տիկնիզյանը խաղադաշտ դուրս եկավ մեկնարկային կազմում և անցկացրեց ամբողջ 90 րոպեն։ 56-րդ րոպեին նա գոլային փոխանցում կատարեց Մարկո Արնաուտովիչին։ Տանտերերի կազմում աչքի ընկան նաև Ալեքսանդր Կատայը և Վասիլիե Կոստովը։

Նաիրի համար սա մրցաշրջանում երկրորդ գոլային փոխանցումն է։

Տիկնիզյանի վիճակագրությունը խաղում՝

Հարվածներ՝ 2
Գոլային փոխանցումներ՝ 1
Ստեղծված գոլային պահեր՝ 1
Բանալի փոխանցումներ՝ 2
Փոխանցումներ եզրից՝ 1-ը 3-ից
Ճշգրիտ փոխանցումներ՝ 37 (76%)
Գնդակի կորուստներ՝ 19
Խլումներ՝ 1
Կտրումներ՝ 2
Գնդակի վերադարձներ՝ 7
Մենամարտեր՝ 1-ը 3-ից
Օդային մենամարտեր՝ 1-ը 1-ից
Խախտումներ՝ 2
SofaScore գնահատական՝ 6,9

«Ցրվենա Զվեզդան» իր հաջորդ հանդիպումը կանցկացնի փետրվարի 26-ին Եվրոպայի լիգայում՝ «Լիլի» դեմ պատասխան խաղում։ Առաջին խաղում բելգրադյան ակումբը հաղթել էր 1:0 հաշվով։