«Ուրարտու» բասկետբոլային ակումբը՝ Հայաստանի չեմպիոն 2026
- Հեղինակ: Vahe Hakobyan
- Sportaran
«Ուրարտու» բասկետբոլային ակումբը դարձավ Հայաստանի չեմպիոն և ProBasket Armenia A-League լիգայի 2025/26 մրցաշրջանի հաղթող։
«Հատիս» ակումբի դեմ եզրափակիչ շարքը բաղկացած էր երկու խաղից և անցավ լարված պայքարում։ Առաջին խաղում «Ուրարտուն» վստահ հաղթանակ տարավ՝ 86:71 հաշվով։ Երկրորդ խաղում «Հատիսը» կարողացավ պատասխան հաղթանակ տանել՝ հաղթելով 94:90 հաշվով, սակայն երկու խաղերի ընդհանուր հաշվով չեմպիոն դարձավ հենց «Ուրարտուն»։
Վճռորոշ հանդիպումը տեղի ունեցավ Սպորտի կառավարման կենտրոնի մարզադահլիճում, որտեղ թիմերը հանդիսատեսին պարգևեցին դիտարժան և լարված խաղ։ Չնայած երկրորդ խաղում «Հատիսի» հաղթանակին, միավորների տարբերությամբ «Ուրարտուն» կարողացավ նվաճել չեմպիոնական տիտղոսը։
Եզրափակիչ խաղի ամենաարժեքավոր խաղացող ճանաչվեց «Ուրարտուի» բասկետբոլիստ Ուիլյամ Փոլ Հենդերսոնը, ով վաստակեց 24 միավոր, կատարեց 16 անդրադարձ և 1 արդյունավետ փոխանցում։
Չեմպիոնական «Ուրարտուի» կազմում հանդես էին գալիս Հայաստանի հավաքականի խաղացողներ Դանիել Կիրակոսյանը, Դանիիլ Գևորգյանը, Արկադի Մկրտչյանը, Կարեն Մելիքյանը և Արայիկ Գևորգյանը։
«Հատիսի» կազմում նույնպես խաղում է Հայաստանի ազգային հավաքականի բասկետբոլիստ՝ կենտրոնական Դավիթ Խաչատրյանը։
Այսպիսով, «Ուրարտուն» ավարտեց 2025/26 մրցաշրջանը հայկական բասկետբոլի գագաթին՝ նվաճելով ProBasket Armenia A-League լիգայի չեմպիոնի տիտղոսը։
Քննարկեք նորությունները!
Անցնել մեկնաբանություններին ↓
Comments
0