Բարսեղյանը խփեց գոլ կարևոր խաղում, «Սլովանը» հաղթեց «Դունայսկա Ստրեդային» (ՏԵՍԱՆՅՈՒԹ)

Սլովակիայի առաջնության 8-րդ տուրում Բրատիսլավայի «Սլովանը» կամային հաղթանակ տարավ ուղիղ մրցակցի՝ «DAC 1904 Դունայսկա Ստրեդայի» նկատմամբ՝ 3:2 հաշվով։

Հայաստանի ազգային հավաքականի ավագ Տիգրան Բարսեղյանը մեկնարկային կազմում էր և խաղադաշտում անցկացրեց 89 րոպե։ Խաղի սկզբում նա բացեց հաշիվը՝ խփելով իր 4-րդ գոլը ընթացիկ առաջնությունում։ Բացի այդ, Բարսեղյանը կատարեց մեկ գոլային փոխանցում, երեք հարված դարպասին, վաստակեց չորս խախտում և իրականացրեց մեկ հաջող դրիբլինգ։

«Սլովանի» կազմում ևս աչքի ընկան Մարկո Տոլիչը և Սեզար Բլեքմենը։ Հյուրերի համար գոլերի հեղինակ դարձան Ամմար Ռամադանը և Վիկտոր Ջուկանովիչը։ Վերջին րոպեներին «Դունայսկա Ստրեդան» կարող էր փրկել խաղը, սակայն չիրացրեց 11 մետրանոցը։

Տիգրան Բարսեղյանի գոլի տեսանյութը «Դունայսկա Ստրեդայի» դարպասը.