Տիգրան Բարսեղյանը շոու կազմակերպեց Սլովակիայում․ գոլ, ասիստ և վաստակած 11-մետրանոց «Սլովանի» հաղթանակում

Հայաստանի հավաքականի նախկին ավագ Տիգրան Բարսեղյանը փայլուն հանդիպում անցկացրեց Սլովակիայի առաջնության չեմպիոնական խմբի առաջին տուրում։ Նրա թիմը՝ «Սլովանը», 3:1 հաշվով հաղթեց «Զեմպլինին»։

Բարսեղյանը խաղադաշտում անցկացրեց ամբողջ հանդիպումը։ Նա խփեց մեկ գոլ, կատարեց գոլային փոխանցում և վաստակեց 11-մետրանոց հարված։ Բացի այդ, կիսապաշտպանը կարող էր ևս մեկ անգամ աչքի ընկնել, սակայն նրա հարվածից հետո գնդակը դիպավ դարպասաձողին։

Հանդիպման արդյունքում Բարսեղյանը SofaScore-ից ստացավ 8.6 գնահատական։

Այս հաղթանակից հետո «Սլովանը» վստահորեն գլխավորում է չեմպիոնական խումբը՝ հավաքելով 49 միավոր։ Բրատիսլավայի ակումբը մոտակա հետապնդող «ԴԱԿ 1904»-ին առաջ է անցնում 6 միավորով։

Բարսեղյանի վիճակագրությունը խաղում

• Խաղադաշտում անցկացրած րոպեներ՝ 90+

• Հարվածներ՝ 2

• Գոլեր՝ 1

• Ասիստներ՝ 1

• Վաստակած 11-մետրանոց՝ 1

• Հարված դարպասի շրջանակին՝ 1

• Չիրացված գոլային պահեր՝ 1

• Ստեղծված գոլային պահեր՝ 2

• Բանալային փոխանցումներ՝ 4

• Ճշգրիտ փոխանցումներ՝ 18 (64%)

• Հաջող դրիբլինգ՝ 1 / 4

• Վաստակած խախտումներ՝ 3

• Գնդակի կորուստներ՝ 17

• Երկպայքարներ՝ 4 / 8

• Վերին մենամարտեր՝ 1 / 1

• Խախտումներ՝ 2

• SofaScore գնահատական՝ 8.6

ՏԵՍԱՆՅՈՒԹ