Ազատ Հովհաննիսյանը կանցկացնի մենամարտ անպարտելի մեքսիկացու դեմ Սան Դիեգոյում կայանալիք մրցաշարի շրջանակում։

Հայ բռնցքամարտիկ Ազատ Հովհաննիսյանը (21-5) վերադառնում է ռինգ՝ մրցելու Մեքսիկայի ամենահեռանկարային երիտասարդ մարզիկներից մեկի՝ Սեբաստյան Ռեյեսի (19-0) դեմ։ Նրանց 8 ռաունդ տևողությամբ մենամարտը երկրորդ թեթև քաշային կարգում կկայանա մայիսի 10-ից 11-ի գիշերը՝ Սան Դիեգոյում (ԱՄՆ)։

Հովհաննիսյանի համար սա հնարավորություն է դադարեցնելու երկու անընդմեջ պարտությունների շարքը. նախորդ մենամարտերում նա զիջել է Լուիս Ներիին (36-2) և Ալան Պիկասոյին (31-0-1), որոնք երկուսն էլ Մեքսիկայից են։ Նշենք, որ Ներիի հետ մենամարտը ճանաչվել է 2023 թ․ լավագույն մենամարտը։

Բացի Հովհաննիսյան — Ռեյես մենամարտից, այդ երեկոյի ընթացքում տեղի կունենան նաև երկու չեմպիոնական մենամարտեր․

Ռայմոնդ Մուրատալա (22-0) ընդդեմ Զաուր Աբդուլաևի (20-1)՝ IBF թեթև քաշային կարգում թափուր տիտղոսի համար։

Էմանուել Նավարետե (39-2-1) ընդդեմ Չարլի Սուարեսի (18-0)՝ WBO երկրորդ թեթևագույն քաշային կարգում տիտղոսի համար։

Սան Դիեգոյում տեղի ունեցող բռնցքամարտի երեկոյի հեռարձակումը հասանելի կլինի ESPN+ հարթակում։