Աշիկ Անդրեյանը որակավորվել է ձյուդոյի 2025 թվականի աշխարհի առաջնությանը

Հայաստանի ձյուդոիստ Աշիկ Անդրեյանը, ով հանդես է գալիս մինչև 60 կգ քաշային կարգում, ապահովել է իր մասնակցությունը 2025 թվականի ձյուդոյի աշխարհի առաջնությանը, որը տեղի կունենա հունիսի 13-ից 19-ը Հունգարիայի մայրաքաղաք Բուդապեշտում։

21-ամյա մարզիկը, ով այժմ զբաղեցնում է աշխարհի վարկանիշային աղյուսակի 71-րդ հորիզոնականը, հայտնվել է լավագույն 100-ում, ինչը պարտադիր պայման է աշխարհի առաջնությանը մասնակցելու համար։ Անդրեյանը դարձել է Հայաստանի միակ ներկայացուցիչը, որը հավաքել է անհրաժեշտ վարկանիշային միավորները։ Այս առաջնությունն Աշիկի համար կլինի դեբյուտը աշխարհի մրցաշարում։

Բուդապեշտ մեկնելու ուղեգիրը ապահովել է Աշիկի հաջող ելույթը 2025 թվականի Եվրոպայի առաջնությունում, որտեղ նա գրավել է հինգերորդ տեղը՝ զգալիորեն բարելավելով իր վարկանիշային դիրքը։

Նշենք, որ նախորդ աշխարհի առաջնությունում Հայաստանը ներկայացված չէր։ Աշխարհի առաջնությանը մասնակցած վերջին հայ ձյուդոիստը եղել է Ֆերդինանդ Կարապետյանը (73 կգ)՝ 2023 թվականին։ Հայաստանի միակ մեդալը աշխարհի առաջնություններից՝ բրոնզե, նվաճել է Հովհաննես Դավթյանը 2009 թվականին։