Արթուր Դավթյան — աշխարհի գավաթի Կահիրեի փուլի հաղթող և ամբողջ շարքի բացարձակ հաղթող

Արթուր Դավթյանը հաղթեց մարզական մարմնամարզության աշխարհի գավաթի 6-րդ փուլում, որը կայացավ Կահիրեում։ Հայ մարմնամարզիկը հաղթեց հենացատկում՝ հավաքելով 14.700 միավոր:

Հենացատկի եզրափակչի արդյունքները, Կահիրե․

1. Արթուր Դավթյան (Հայաստան) - 14.700

2. Նազար Չեպուրնի (Ուկրաինա) - 14.166

3. Աբդուլազիզ Միրվալիև (Ուզբեկստան) - 14.116

Տեսանյութ․

Դավթյանի համար սա արդեն 2025 թվականի մրցաշրջանի աշխարհի գավաթի փուլերում նվաճած չորրորդ ոսկե մեդալն է։ Այսպիսով, նա դարձավ ամբողջ շարքի բացարձակ հաղթող՝ վեց փուլի արդյունքում։

Հիշեցնենք, որ ավելի վաղ Կահիրեում ևս երկու հայ մարմնամարզիկներ ոսկե մեդալներ էին նվաճել՝ Համլետ Մանուկյանը հաղթել էր նժույգի վրա վարժությունում, իսկ Արթուր Ավետիսյանը հաղթել էր օղակների մրցույթում։

Բացի այդ, Համլետ Մանուկյանը նույնպես, ինչպես Արթուր Դավթյանը, դարձավ աշխարհի գավաթի ամբողջ շարքի բացարձակ հաղթող։