Արթուր Ալեքսանյանը կբացակայի միայն Եվրոպայի առաջնություն–2026-ից
- Հեղինակ: Vahe Hakobyan
- Sportaran
Հայաստանի ըմբշամարտի ֆեդերացիան հանդես է եկել պաշտոնական հայտարարությամբ՝ օլիմպիական չեմպիոն Արթուր Ալեքսանյանի վիճակի վերաբերյալ։ Ավելի վաղ ԶԼՄ-ներում տեղեկություններ էին տարածվել, որ անվանի մարզիկը բաց կթողնի ամբողջ 2026 թվականը, սակայն այդ տվյալները չեն հաստատվել։
Ֆեդերացիայից հայտնում են, որ այս պահին Ալեքսանյանը կբացակայի միայն Եվրոպայի առաջնություն–2026-ից, քանի որ շարունակում է վերականգնվել վնասվածքից։ Միևնույն ժամանակ տարվա ընթացքում նրա մասնակցությունը մյուս մրցաշարերին չի բացառվում։
Հայտարարության մեջ ընդգծվում է, որ մարզիկը դեռ չի ասել իր վերջին խոսքը գորգի վրա։
Մինչև 97 կգ քաշային կարգում առաջիկա Եվրոպայի առաջնությունում Հայաստանը կներկայացնի 24-ամյա Հայկ Խլոյանը։ Նա մինչև 23 տարեկանների աշխարհի չեմպիոն է և արդեն իրեն դրսևորել է մեծահասակների մակարդակում․ 2025 թվականին Խլոյանը երկրորդ տեղն է զբաղեցրել Բուդապեշտում անցկացված վարկանիշային մրցաշարում։
Քննարկեք նորությունները!
Անցնել մեկնաբանություններին ↓
Comments
0