Արտյոմ Բանդիկյանը կրկին գոլային փոխանցում կատարեց Ռուսաստանի գավաթում (ՎԻԴԵՈ)

Ռուսաստանի գավաթի խմբային փուլի 4-րդ տուրի խաղում մոսկովյան ЦСКА-ն և Կալինինգրադի «Բալտիկան» խաղացին 1:1, իսկ 11-մետրանոց հարվածների սերիայում հաղթեց «Բալտիկան»՝ 10-9 հաշվով։

ЦСКА-ի կազմում միակ գոլը 38-րդ րոպեին խփեց Տամերլան Մուսաևը՝ օգտագործելով Արտյոմ Բանդիկյանի ճշգրիտ փոխանցումը։

Հայաստանի երիտասարդական հավաքականի 19-ամյա կիսապաշտպանը խաղը սկսեց մեկնարկային կազմում և գրանցեց արդյունավետ փոխանցում։ Սա արդեն երկրորդ ասիսնն է Բանդիկյանի համար մրցաշարում։ Հիմնական ժամանակից հետո Բանդիկյանը նաև իրացրեց 11-մետրանոցը, սակայն դա չօգնեց նրա թիմին հաղթել։ Վերջնական պահերին նույնիսկ դարպասապահներն էին դուրս եկել հարվածի, և այստեղ «Բալտիկայի» դարպասապահ Իվան Կուկուշկինը ավելի ճշգրիտ գտնվեց, քան Վլադիսլավ Տորոպը։

Գոլի տեսանյութը՝

Չորս տուրերից հետո ЦСКА-ն D խմբում զբաղեցնում է 2-րդ տեղը՝ 8 միավորով։