Արշակ Թովմասյանը հաղթեց Աբդուվալի Բուրիբոևին IBA Champions Night-ի ժամանակ (ՏԵՍԱՆՅՈՒԹ)

25-ամյա մոսկվացի բռնցքամարտիկ Արշակ Թովմասյանը (1-0) հաղթանակ տարավ իր առաջին պրոֆեսիոնալ մենամարտում՝ միաձայն որոշմամբ առավելության հասնելով ուզբեկ մարզիկ Աբդուվալի Բուրիբոևի (11-1) նկատմամբ IBA Champions Night մրցաշարում, որը կայացավ մարտի 7-ին Մոսկվայում։

Թովմասյանը ցուցադրեց բարձրակարգ և դիտարժան բռնցքամարտ՝ դիպուկ հարվածներով և վեց ռաունդների ընթացքում մրցակցի նկատմամբ բացահայտ առավելություն ունենալով։ Մենամարտն անցկացվում էր մինչև 60 կգ քաշային կարգում։

ՎԻԴԵՈ:

Ավելի վաղ Արշակը հաջողություններ էր գրանցել սիրողական մակարդակում՝ 2023 թվականին դառնալով Ռուսաստանի չեմպիոն։ Այժմ նա իր առաջին քայլերն է անում պրոֆեսիոնալ բռնցքամարտում։

Երեկոյի գլխավոր մենամարտում Ալբերտ Բատիրգազիևը (12-0) հաղթեց արգենտինացի Ների Ռոմերոյին (18-1) և նվաճեց երկու չեմպիոնական գոտի՝ IBA Pro և WBA Interim։ Բատիրգազիևը հաղթեց միաձայն որոշմամբ՝ 115-109, 114-110, 116-108 միավորներով։