Արսեն Ներսիսյանը հաղթեց Open FC 55-ում և հայտարարեց կարիերան ավարտելու մասին
- Հեղինակ: Vahe Hakobyan
- Sportaran
Խառը մենամարտերի վետերան Արսեն Ներսիսյանը («Առյուծի սիրտ» ակումբ) տպավորիչ հաղթանակ տարավ Սանկտ Պետերբուրգում կայացած OPEN FC 55 մրցաշարում՝ հաղթելով Իվան Դանիլովին (9–4 հաշվով): Ներսիսյանի համար սա 31-րդ հաղթանակն էր պրոֆեսիոնալ կարիերայում (ընդհանուր հաշվեկշիռը՝ 31–20–1), և նա անցկացրել է ընդհանուր առմամբ 52 մենամարտ՝ սկսած 2015 թվականի դեբյուտից:
33-ամյա հայ մարզիկը մենամարտից հետո հայտարարեց կարիերան ավարտելու մասին՝ կատարելով մորն արած խոստումը։ Արսենը հանեց ձեռնոցները և դրեց օկտագոնի կենտրոնում։
Այս որոշումը շատերի համար անակնկալ էր՝ հաշվի առնելով Արսենի մարտական ոգին և գերազանց մարզավիճակը վերջին մենամարտում:
«Առյուծի սիրտ» թիմի գլխավոր մարզիչ Արմեն Գուլյանը հուզիչ արձագանքեց.
«Արսեն ջան, դեռ մտածի։ Չենք ուզում կորցնել նման մարզիկի։ Անհրաժեշտության դեպքում մորդ էլ կխոսացնենք։ Թիմին պետք ես»:
Ներսիսյանն իր մարզական ճանապարհի ընթացքում ճանաչվել է որպես ակումբի ամենաջանասեր և նվիրված մարտիկներից մեկը։ Նրա ուղին՝ կամքի, խիզախության և տոկունության վառ օրինակ է։
Քննարկեք նորությունները!
Անցնել մեկնաբանություններին ↓
Comments
0