Արսեն Հարությունյանը երկու հաղթանակից հետո կխաղա Սփենսեր Լիի դեմ ԱՇ-2025-ում
- Հեղինակ: Vahe Hakobyan
- Sportaran
Ազատ ոճի հայ ըմբիշ Արսեն Հարությունյանը (57 կգ) վստահ մեկնարկեց 2025 թվականի աշխարհի առաջնությունում, որը անցկացվում է Զագրեբում։ Չորսակի Եվրոպայի չեմպիոնը 1/16 եզրափակչում արագ հաղթեց ուկրաինացի Վլադիսլավ Աբրամովին (10:0), իսկ ապա լարված գոտեմարտում 13:8 հաշվով տպավորիչ հաղթանակ տարավ մոնղոլ ուժեղ մրցակից Մունխ-Էրդենե Բատխույագի նկատմամբ։
Այսպիսով, Հարությունյանը դուրս եկավ քառորդ եզրափակիչ, որտեղ նրա մրցակիցը կլինի Փարիզ-2024 Օլիմպիական խաղերի փոխչեմպիոն, ամերիկացի Սփենսեր Լին։ Վերջինս մրցաշարը սկսեց 1/8 եզրափակչից և ընդամենը մեկ րոպեում հաղթեց թուրք Յուսուֆ Դեմիրին, ուստի հանդիպմանը կմտնի ավելի թարմ։
Արսեն Հարությունյան–Սփենսեր Լի գոտեմարտը նախատեսված է այսօր՝ մոտավորապես Երևանի ժամանակով 16:30-ին։
Ուղիղ եթերը հասանելի է մեր Sportaran Telegram ալիքում։
Քննարկեք նորությունները!
Անցնել մեկնաբանություններին ↓
Comments
0