Հայ մարզիկները հանդես կգան Եվրոպայի պատանեկան առաջնությունում հրաձգության մեջ

Փետրվարի 9-ից 15-ը Էստոնիայի մայրաքաղաք Տալլինը կդառնա մինչև 16 և 18 տարեկան (U16 և U18) մարզիկների համար նախատեսված Եվրոպայի առաջին առաջնության անցկացման վայրը: Մրցումներին կմասնակցեն շուրջ 240 հրաձիգներ տարբեր եվրոպական երկրներից։ Այս միջոցառումը բացառիկ հնարավորություններ կբացի երիտասարդ մարզիկների համար՝ նրանց հնարավորություն տալով ոչ միայն ցուցադրել իրենց հմտությունները, այլև նախապատրաստվել մինչև 21 տարեկան (U21) մարզիկների Եվրոպայի առաջնությանը, որը կանցկացվի այս տարի։

Հայաստանը այս հեղինակավոր մրցաշարում կներկայացնեն հրաձգության պատանեկան հավաքականի հինգ տաղանդավոր մարզիկներ: Մեր մարզիկները կմրցեն 10 մետր հեռավորությունից օդամղիչ զենքով կրակելու կարգում.

• Գրիգոր Պողոսյան (անձնական մարզիչ՝ Լիոն Խաչատրյան)
  10մ, օդամղիչ ատրճանակ 
• Գոհար Մանուկյան (անձնական մարզիչ՝ Նորա Նիկողոսյան)
  10մ, օդամղիչ ատրճանակ 
• Արմինե Գևորգյան (անձնական մարզիչ՝ Արմեն Սիմոնյան)
  10մ, օդամղիչ ատրճանակ 
• Հայկ Մարգարյան (անձնական մարզիչ՝ Յուրիկ Չիխչյան)
  10մ, օդամղիչ ատրճանակ 
• Դավիթ Խաչատրյան (անձնական մարզիչ՝ Արթուր Այվազյան)
  10մ, օդամղիչ հրացան

Հավաքականը հանդես կգա Հայաստանի հրաձգության ֆեդերացիայի գլխավոր քարտուղար Արեգ Սարիբեկյանի և ազգային հավաքականի ավագ մարզիչ Անդրանիկ Այվազյանի ղեկավարությամբ։