Հայաստանի մարմնամարզիկները մեկնել են Աշխարհի գավաթի 2026 թվականի եզրափակիչ փուլ
- Հեղինակ: Vahe Hakobyan
- Sportaran
Ապրիլի 9-ից 13-ը Խորվաթիայի Օսիեկ քաղաքում կանցկացվի սպորտային մարմնամարզության Աշխարհի գավաթի 2026 թվականի եզրափակիչ փուլը։ Սկզբում նախատեսվում էր եզրափակիչ փուլը անցկացնել Դոհայում, սակայն մրցումները չեղարկվեցին, և հենց Խորվաթիայում անցկացվող այս մրցաշարը կդառնա մրցաշրջանի եզրափակիչը։
Հայաստանի հավաքականը կմասնակցի մրցումներին հետևյալ կազմով՝
Արթուր Դավթյան
Արթուր Ավետիսյան
Համլետ Մանուկյան
Մամիկոն Խաչատրյան
Ընթացիկ մրցաշրջանում արդեն կայացել են Աշխարհի գավաթի չորս փուլեր՝ Կոտբուսում, Բաքվում, Անթալիայում և Կահիրեում։ Հայ մարմնամարզիկները մասնակցել են դրանցից երկուսին՝ Կոտբուսում և Կահիրեում՝ ցուցադրելով բարձր արդյունքներ։
Հայ մարզիկների նվաճումները՝
Արթուր Դավթյան — ոսկե մեդալ հենացատկում
Արթուր Ավետիսյան — ոսկե և արծաթե մեդալներ օղակների վրա
Համլետ Մանուկյան — ոսկե մեդալ ձիու վրա
Մամիկոն Խաչատրյան — արծաթե մեդալ ձիու վրա
Օսիեկում կայանալիք եզրափակիչ փուլը կարևոր հնարավորություն կլինի հայ մարզիկների համար՝ ամրապնդելու հաջող ելույթները և մրցաշրջանը ավարտելու բարձր մակարդակով։
Քննարկեք նորությունները!
Անցնել մեկնաբանություններին ↓
Comments
0