Հայ բռնցքամարտիկները 4 հաղթանակ տարան Ստրանջայի գավաթ 2026-ի առաջին օրը

Փետրվարի 23-ին Սոֆիայում (Բուլղարիա) մեկնարկեց ամենահին միջազգային բռնցքամարտի մրցաշարը՝ Ստրանջայի գավաթ 2026-ը։ Առաջին մրցումային օրը ռինգ դուրս եկան հինգ հայ բռնցքամարտիկներ, որոնցից չորսը հաղթանակ տարան և շարունակելու են պայքարը հեղինակավոր մրցաշարի մեդալների համար։

Հայ մարզիկների հաղթանակները

Արթուր Բազեյանը (60 կգ) վստահ մեկնարկեց մրցաշարը՝ բաժանված դատական որոշմամբ (4:1) հաղթելով Իռլանդիայի ներկայացուցիչ Ադամ Հեսիոնին։ Հայ բռնցքամարտիկը դուրս եկավ 1/8 եզրափակիչ, որտեղ կմրցի Սալիմ-Էլիս Բեյի (ԱՄՆ) հետ, ով նախորդ փուլում հաղթել էր Ղազախստանի ներկայացուցիչ Ռուսլան Կուզուեբաևին։

Մարատ Միքայելյանը (75 կգ) միաձայն դատական որոշմամբ հաղթեց բուլղարացի Ստելիան Ստրախիլովին և դուրս եկավ 1/4 եզրափակիչ։ Նրա հաջորդ մրցակիցը կլինի Գաբրիելե Գուիդին (Իտալիա)։

Հարություն Հակոբքոխյանը (70 կգ) բաժանված դատական որոշմամբ հաղթեց Կելվին Սոկեսսին (Չեխիա) և դուրս եկավ 1/8 եզրափակիչ։ Հաջորդ մենամարտում նա կմրցի Լավանտ Բրաունլիի (ԱՄՆ) հետ։ Հարությունը հայտնի բռնցքամարտիկ և աշխարհի չեմպիոն Իսրայել Հակոբքոխյանի որդին է։

Ռուդոլֆ Գարբոյանը (50 կգ) վստահ հաղթահարեց մեկնարկային փուլը՝ միաձայն որոշմամբ հաղթելով Թուրքմենստանի ներկայացուցիչ Ռասուլ Արսլանովին։ 1/4 եզրափակիչում նրա մրցակիցը կլինի Բիլալխաբաշի Նազարովը (Ադրբեջան)։

Օրվա միակ պարտությունը

Նարեկ Մանասյանը (90 կգ) բաժանված դատական որոշմամբ զիջեց բուլղարացի Ռոսելին Բաչևսկուն և ավարտեց ելույթը մրցաշարում։

Սկանդալ Ստրանջայի գավաթում․ Մանասյանը պարտվեց ակնհայտ առավելության պայմաններում

Մրցաշարի շրջանակում նաև Գոռ Այվազյանը (55 կգ), որը ներկայացնում է Վրաստանը, հաղթեց Թուրքիայի ներկայացուցչին և դուրս եկավ 1/8 եզրափակիչ։

Սոֆիայում անցկացվող մրցաշարը ավարտվեց մարտի 1-ին։