Հայաստանը եվրագավաթներում վերջին երկու մրցաշրջանների արդյունքներով գերազանցում է Ադրբեջանին

«Նոայի» հաջողությունների շնորհիվ, վերջին երկու մրցաշրջանների հաշվարկով ՈւԵՖԱ-ի վարկանշային աղյուսակում Հայաստանը զբաղեցնում է 27-րդ տեղը բոլոր երկրների շարքում։

2024/25 և 2025/26 մրցաշրջաններում Հայաստանը հավաքել է 8,062 վարկանշային միավոր (համապատասխանաբար՝ 4,375 և 3,688), ինչը գերազանցում է Ադրբեջանի (8,000), Սերբիայի (7,600), Սլովակիայի (7,250), Իսրայելի (5,650) և Ղազախստանի (6,625) ցուցանիշները։

Այս միավորների մեծ մասը Հայաստանը վաստակել է «Նոայի» հաջող ելույթների շնորհիվ եվրագավաթներում։

Եվրագավաթային մրցաշրջանը շարունակվում է․ «Նոան» Կոնֆերենցիաների լիգայի փլեյ-օֆֆում կմրցի «ԱԶ»-ի կամ «Ցելյեի» դեմ։

Հիշեցնենք, որ այս պահին ընդամենը 0,063 միավոր է բաժանում Հայաստանին ՈւԵՖԱ-ի գործակիցների աղյուսակի 33-րդ տեղից։ Դա թույլ կտա 2027/28 մրցաշրջանում մեկ հայկական ակումբի հանդես գալ Եվրոպայի լիգայում՝ Կոնֆերենցիաների լիգայի փոխարեն։