Արման Հովհաննիսյանը ավարտել է պրոֆեսիոնալ կարիերան
- Հեղինակ: Vahe Hakobyan
- Sportaran
32-ամյա պաշտպան Արման Հովհաննիսյանը հայտարարել է պրոֆեսիոնալ կարիերան ավարտելու մասին՝ 2025/26 թվականների Fastex Պրեմիեր լիգայի առաջին տուրի՝ «Արարատ» – «Գանձասար» հանդիպումից հետո։ Այդ խաղը դարձավ նրա կարիերայի վերջինը, տեղեկացնում է ինսայդեր Սուրեն Մելիքսեթյանը։
Երևանի «Փյունիկի» սան Հովհաննիսյանը Հայաստանի առաջնությունում անցկացրել է ավելի քան 200 խաղ՝ ներկայացնելով երկրի առաջատար ակումբները։ Նա հանդես է եկել նաև արտերկրում՝ Ուկրաինայի և Ղազախստանի առաջնություններում՝ ձեռք բերելով արժեքավոր միջազգային փորձ։
Հայաստանի ազգային հավաքականի կազմում Հովհաննիսյանը մասնակցել է 12 հանդիպման։
2025 թվականի ամռանը Արմանը «Փյունիկից» տեղափոխվեց «Արարատ», սակայն թիմի կազմում անցկացրեց ընդամենը մեկ խաղ՝ դրանից հետո հայտարարելով կարիերան ավարտելու մասին։
Քննարկեք նորությունները!
Անցնել մեկնաբանություններին ↓
Comments
0