«Արարատը» մրցաշրջանում տարավ առաջին հաղթանակը՝ կամային հաղթանակ տանելով «Վանի» նկատմամբ

«Արարատը» ընթացիկ մրցաշրջանում տարավ իր առաջին հաղթանակը՝ առաջնության 17-րդ տուրի խաղում 2:1 հաշվով առավելության հասնելով «Վանի» նկատմամբ։

Հյուրերը բացեցին հաշիվը այս հանդիպմանը․ «Վանի» կազմում իր դեբյուտային խաղում աչքի ընկավ բրազիլացի նորեկ Մաուրինյոն։ Մինչև հանդիպման ավարտը «Արարատը» պարտվում էր, սակայն վերջին րոպեներին կարողացավ շրջել խաղի ընթացքը։

Խաղի գլխավոր հերոսը դարձավ Կալիֆալա Դումբիան։ Հարձակվողը երկրորդ խաղակեսում փոխարինման դուրս եկավ և դարձավ դուբլի հեղինակ։ Սկզբում նա 85-րդ րոպեին հավասարեցրեց հաշիվը, իսկ հետո 97-րդ րոպեին իրացրած 11 մետրանոցով հաղթանակ պարգևեց իր թիմին։

Այսպիսով, «Արարատը» կամային հաղթանակ տարավ 2:1 հաշվով և մրցաշրջանում վաստակեց առաջին երեք միավորները։

17 տուրից հետո «Արարատը» մրցաշարային աղյուսակում զբաղեցնում է վերջին տեղը՝ ունենալով 6 միավոր։ «Վանը» 21 միավորով գտնվում է վեցերորդ հորիզոնականում։