«Արարատ-Արմենիա»-ն մեկնել է հավաքի Վրաստան

Նոր գլխավոր մարզիչ Տուլիպի ղեկավարությամբ «Արարատ-Արմենիա»-ն շարունակում է նախապատրաստվել Կոնֆերենցիաների լիգայի որակավորման երկրորդ փուլի հանդիպմանը, որտեղ մրցակիցը կլինի ռումինական «Ունիվերսիտատեա Կլուժ»-ը։

Հուլիսի 1-ից 9-ը թիմը ուսումնամարզական հավաք կանցկացնի Թբիլիսիում։ Եվրագավաթներին ու նոր մրցաշրջանին պատրաստվելու նպատակով նախատեսված են երեք ստուգողական խաղեր վրացական ակումբների հետ.

• Հուլիսի 2, 12:00 — «Քոլխեթի 1913» (Փոթի)

• Հուլիսի 5, 18:00 — «Դինամո» (Թբիլիսի)

• Հուլիսի 9, 11:00 — «Թելավի»

Ավելի վաղ Թբիլիսիի «Դինամո»-ն երկու ստուգողական խաղ էր անցկացրել հայկական այլ ակումբների՝ «Փյունիկ»-ի և «Ուրարտու»-ի դեմ։