«Արարատ-Արմենիան» լրացուցիչ ժամանակում հաղթեց «Ունիվերսիտատեային» (ՏԵՍԱՆՅՈՒԹ)

Երևանի Արարատ-Արմենիա-ն կամային հաղթանակ տարավ Ռումինիայի Ունիվերսիտատյա Կլուժ-ի նկատմամբ և անցավ ՈՒԵՖԱ-ի Կոնֆերենցիաների լիգայի որակավորման երրորդ փուլ։ Հանդիպման ելքը որոշվեց լրացուցիչ ժամանակում։ Խաղը կայացավ հուլիսի 31-ին Սիբիու քաղաքում։

Ռումինացիները հաշիվը բացեցին արդեն 13-րդ րոպեին՝ Յովո Լուկիչի ճշգրիտ գլխի հարվածի շնորհիվ։ Սակայն երկրորդ խաղակեսում Արարատ-Արմենիա-ն զգալիորեն ուժեղացրեց հարձակումը և 53-րդ րոպեին Կամո Հովհաննիսյանը գեղեցիկ կոմբինացիան ավարտեց՝ փակելով Ժոաո Լիմայի փոխանցումը՝ 1:1։

Հիմնական ժամանակն ավարտվեց ոչ-ոքի, իսկ հանդիպման ճակատագիրը որոշեց փոխարինման դուրս եկած Փոլ Այոնգոն։ Գանացի նորեկը հաղթական գոլը խփեց 117-րդ րոպեին և իր թիմին ուղեգիր բերեց հաջորդ փուլ։ Սա Այոնգոյի առաջին գոլն էր Արարատ-Արմենիայի կազմում։

ՏԵՍԱՆՅՈՒԹ․

Երրորդ որակավորման փուլում թիմը կհանդիպի Չեխիայի Սպարտա-ին, որը հաղթեց Ղազախստանի Ակտոբե-ին։ Հանդիպումները կկայանան օգոստոսի 7-ին և 14-ին։

Այսպիսով, եվրոպական մրցաշարերում Հայաստանից շարունակում են հանդես գալ երկու թիմեր։ Նոա-ն Եվրոպա լիգայի երրորդ փուլում կհանդիպի Գիբրալթարի Լինքոլն-ին, իսկ Փյունիկ-ը նախօրեին դուրս մնաց Հունգարիայի Գյորի հետ դիմակայությունից։ Ավելի վաղ Կոնֆերենցիաների լիգայի պայքարից դուրս էր մնացել նաև Ուրարտու-ն։