Արամե Մինասյանը գոլային փոխանցում է կատարել «Մարուպեսի» կազմում իր դեբյուտային խաղում (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
Հայաստանի երիտասարդական հավաքականի հարձակվող Արամե Մինասյանը արդյունավետ գործողությամբ աչքի է ընկել Լատվիայի առաջին լիգայում իր դեբյուտային խաղում։ 18-ամյա ֆուտբոլիստը հանդես է եկել «Մարուպեսի» կազմում և օգնել իր թիմին վստահ հաղթանակ տանել «Ռեզեկնեսի» նկատմամբ՝ 4:0 հաշվով՝ իր ակտիվում գրանցելով գոլային փոխանցում։
Մինասյանը Երևանի «Փյունիկի» սան է, սակայն արդեն 14 տարեկանում շարունակել է կարիերան Իսպանիայում, որտեղ հանդես է եկել հեղինակավոր St. Andreu ակադեմիայում։ 2026 թվականի ձմռանը նա տեղափոխվել է լատվիական ակումբ՝ կատարելով հերթական քայլը իր մասնագիտական կարիերայում։
Հարձակվողը պարբերաբար հրավիրվել է Հայաստանի տարբեր տարիքային խմբերի երիտասարդական հավաքականներ՝ U14-ից մինչև U19, որտեղ նաև մի քանի անգամ թիմը դուրս է բերել խաղադաշտ՝ որպես ավագ։
ՏԵՍԱՆՅՈՒԹ (Արամե Մինասյան, 77 համար)
Քննարկեք նորությունները!
Անցնել մեկնաբանություններին ↓
Comments
0